Vildu sameiginlegt framboð með Sósíalistaflokknum Tryggvi Páll Tryggvason skrifar 18. október 2017 16:00 Vésteinn Valgarðsson er varaformaður Alþýðufylkingarinnar og oddviti flokksins í Reykjavíkurkjördæmi norður. Vísir/Stefán Alþýðufylkingin reyndi að efna til kosningabandalags með Sósíalistaflokknum og Dögun en án árangurs. Þetta sagði Vésteinn Valgarðsson, varaformaður Alþýðufylkingarinnar og oddviti flokksins í Reykjavíkurkjördæmi norður, í Kosningaspjalli Vísis í dag. „Við höfðum samband við bæði Sósíalistaflokk Íslands og Dögun, hér um það bil leið og það var ljóst að það yrði boðað til kosninga. Við buðum þeim að senda fulltrúa til að eiga við okkur óskuldbindandi viðræður um samstarf í kosningunum. Við vorum þá með í huga sameiginlegt framboð undir sameiginlegum listabókstaf,“ sagði Vésteinn. Dögun, sem býður einungis fram í Suðvesturkjördæmi, hafnaði hins vegar viðræðunum. Sósíalistaflokkur Íslands, sem stofnaður var þann 1.maí síðastliðinn, býður ekki fram í kosningunum sem framundan eru. Sósíalistaflokkurinn svaraði með því að bjóða Alþýðufylkingunni til viðræðna um kosningabandalag á vinstri vængnum.„Þau samþykktu að bjóða okkur til viðræðna um eitthvað regnhlífabandalag vinstri flokka alveg frá Bjartri framtíð til okkar. Það var í öllu falli ekkii raunhæft á þeim stutta tíma sem var til stefnu.“ Alþýðufylkingin ákvað því að bjóða fram undir eigin nafni og er flokkurinn í framboði í fjórum kjördæmum, Reykjavíkurkjördæmunum, Suðvesturkjördæmi og Norðausturkjördæmi.Gagnrýnir fjölmiðla og félagasamtök fyrir að leyfa Alþýðufylkingunni ekki að vera með Alþýðufylkingin hlaut 0,3 prósent atkvæða í síðustu alþingiskosningum og mælist ekki með mikið fylgi í aðdraganda Alþingiskosningana nú. Raunar fellur flokkurinn undir flokkinn „Aðrir“ ásamt Dögun. Mælast flokkarnir sameiginlega með 1,4 prósent fylgi. Flokkurinn býður sig fram í fjórða skipti í alþingiskosningum eða sveitarstjórnarkosningum og hefur aldrei hlotið meira en 0,5 prósent greiddra atkvæða. Aðspurður hvað valdi því að flokkurinn nái ekki að heilla kjósendur segir Vésteinn að hluta til megi rekja það til þess að flokkurinn sé oftar en ekki skilinn útundan hjá fjölmiðlum og félagasamtökum í aðdraganda kosninga. Þannig sé það nánast sjálfuppfyllandi spádómur um að flokkurinn sé svo „lítill og ómerkilegur“ að hann eigi ekki skilið að berast fyrir augu og eyru kjósenda. „Við erum iðulega skilin útundan. Nú erum við með framboð í fjórum kjördæmum. Bara í dag hafa Samtök ferðaþjónustunnar haldið fund þar sem öllum var boðið að vera með, nema okkur og Dögun. Kennarasamband Íslands er með fund á eftir þar sem öllum er boðið að vera með nema okkur og Dögun,“ sagði Vésteinn og bætir við að ekki sé það skárra hjá fjölmiðlum og gagnrýndi hann meðal annars að Alþýðufylkingin hafi ekki fengið að vera með í kjördæmaþáttum Stöðvar 2 í aðdraganda kosninganna. Sagði Vésteinn að þessi þróun sé skaðleg fyrir lýðræðið, hann sjái engin rök fyrir því af hverju útiloka eigi Alþýðufylkinguna frá framboðsfundum og fjölmiðlaumfjöllun. „Ég fullyrði það að við höfum aldrei eyðilagt neinn framboðsfund með því að vera með og svona geðþóttareglur sem eru settar og mörkin greinilega dregin til þess að útiloka okkur,“ sagði Vésteinn. Kjósendur eigi að fá sem fyllstar upplýsingar til þess að mynda sér skoðun fyrir kosningarnar. „Þetta er líka skaðlegt fyrir kjósendur sem fá þá ekki eins mörg tækifæri til að mynda sér skoðun á okkar málflutningi. Ef að málflutningurinn okkar er rosalega vitlaus þá hlýtur það að vera fyrir bestu að kjósendur sjái það líka,“ sagði Vésteinn.Alþýðufylkingin telur nauðsynlegt að stemma í stigu við fjölda ferðamanna sem hingað koma til lands.vísir/anton brinkVilja fækka ferðamönnum Eitt af stefnumálum Alþýðufylkingarinnar er að komið verði böndum á það hversu margir ferðamenn geti heimsótt Ísland, stefna eigi á það að fækka þeim ferðamönnum sem hingað koma. Ferðamenn hafa sótt hingað í auknum mæli undanfarin ár og komu tæplega tvær milljónir ferðamanna hingað til lands á síðasta ári. Vésteinn vill meina að þolmörkum sé náð og rúmlega það. „Fyrir það fyrsta ber þetta land ekkert endalausan fjölda ferðamanna vegna viðkvæmrar náttúru. Hins vegar er samfélagið okkar mjög viðkvæmt. Það er verið að byggja á hótel og alls konar á væntingum að vöxturinn verði áfram svona mikill næstu árin. Hann þarf ekki annað en að staðna til að kippa fótunum undan vexti ferðamannabransans,“ sagði Vésteinn. Þá varaði Vésteinn við því að ferðamannaiðnaðurinn á Íslandi sé viðkvæmur fyrir áhrifum mögulegrar efnahagskreppu í löndunum í kringum okkar. „Þegar kemur næst kreppa í einhverju af stóru löndunum Í Evrópusambandinu eða Bandaríkjunum þaðan sem koma margir ferðamenn, haldið þið að flúðasiglingin á Íslandi sé ekki eitt af því sem fólk hætti við að kaupa sér þegar fólk missir vinnuna eða eitthvað gefur á bátinn? Þá eigum við eftir að leggjast með flensu þegar Þýskaland fær kvef.“ Kosningar 2017 Tengdar fréttir Kosningaspjall Vísis: Frambjóðendur svara spurningum lesenda í beinni útsendingu Kosningaspjall Vísis hefst næstkomandi mánudag, 9. október, en í þættinum koma fulltrúar þeirra flokka sem bjóða fram til Alþingis í kosningunum þann 28. október og svara spurningum lesenda og áhorfenda Vísis. 5. október 2017 14:15 Mest lesið Kona á níræðisaldri sá björninn í þriggja metra fjarlægð Innlent Hvítabjörninn felldur: Forðaði sér inn og sendi skilaboð á dóttur sína Innlent Reyndist ekki faðir stúlknanna Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Benedikt Sveinsson er látinn Innlent Endalaus þrautaganga Haraldar eftir svörum Innlent Engar ábendingar borist þrátt fyrir ákall Innlent Ákærður fyrir að stinga lækni í kvöldgöngu Innlent Brynjar segir af sér Innlent Fleiri fréttir Þyrlan aðstoðar lögreglu við Reynisfjall Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Sjá meira
Alþýðufylkingin reyndi að efna til kosningabandalags með Sósíalistaflokknum og Dögun en án árangurs. Þetta sagði Vésteinn Valgarðsson, varaformaður Alþýðufylkingarinnar og oddviti flokksins í Reykjavíkurkjördæmi norður, í Kosningaspjalli Vísis í dag. „Við höfðum samband við bæði Sósíalistaflokk Íslands og Dögun, hér um það bil leið og það var ljóst að það yrði boðað til kosninga. Við buðum þeim að senda fulltrúa til að eiga við okkur óskuldbindandi viðræður um samstarf í kosningunum. Við vorum þá með í huga sameiginlegt framboð undir sameiginlegum listabókstaf,“ sagði Vésteinn. Dögun, sem býður einungis fram í Suðvesturkjördæmi, hafnaði hins vegar viðræðunum. Sósíalistaflokkur Íslands, sem stofnaður var þann 1.maí síðastliðinn, býður ekki fram í kosningunum sem framundan eru. Sósíalistaflokkurinn svaraði með því að bjóða Alþýðufylkingunni til viðræðna um kosningabandalag á vinstri vængnum.„Þau samþykktu að bjóða okkur til viðræðna um eitthvað regnhlífabandalag vinstri flokka alveg frá Bjartri framtíð til okkar. Það var í öllu falli ekkii raunhæft á þeim stutta tíma sem var til stefnu.“ Alþýðufylkingin ákvað því að bjóða fram undir eigin nafni og er flokkurinn í framboði í fjórum kjördæmum, Reykjavíkurkjördæmunum, Suðvesturkjördæmi og Norðausturkjördæmi.Gagnrýnir fjölmiðla og félagasamtök fyrir að leyfa Alþýðufylkingunni ekki að vera með Alþýðufylkingin hlaut 0,3 prósent atkvæða í síðustu alþingiskosningum og mælist ekki með mikið fylgi í aðdraganda Alþingiskosningana nú. Raunar fellur flokkurinn undir flokkinn „Aðrir“ ásamt Dögun. Mælast flokkarnir sameiginlega með 1,4 prósent fylgi. Flokkurinn býður sig fram í fjórða skipti í alþingiskosningum eða sveitarstjórnarkosningum og hefur aldrei hlotið meira en 0,5 prósent greiddra atkvæða. Aðspurður hvað valdi því að flokkurinn nái ekki að heilla kjósendur segir Vésteinn að hluta til megi rekja það til þess að flokkurinn sé oftar en ekki skilinn útundan hjá fjölmiðlum og félagasamtökum í aðdraganda kosninga. Þannig sé það nánast sjálfuppfyllandi spádómur um að flokkurinn sé svo „lítill og ómerkilegur“ að hann eigi ekki skilið að berast fyrir augu og eyru kjósenda. „Við erum iðulega skilin útundan. Nú erum við með framboð í fjórum kjördæmum. Bara í dag hafa Samtök ferðaþjónustunnar haldið fund þar sem öllum var boðið að vera með, nema okkur og Dögun. Kennarasamband Íslands er með fund á eftir þar sem öllum er boðið að vera með nema okkur og Dögun,“ sagði Vésteinn og bætir við að ekki sé það skárra hjá fjölmiðlum og gagnrýndi hann meðal annars að Alþýðufylkingin hafi ekki fengið að vera með í kjördæmaþáttum Stöðvar 2 í aðdraganda kosninganna. Sagði Vésteinn að þessi þróun sé skaðleg fyrir lýðræðið, hann sjái engin rök fyrir því af hverju útiloka eigi Alþýðufylkinguna frá framboðsfundum og fjölmiðlaumfjöllun. „Ég fullyrði það að við höfum aldrei eyðilagt neinn framboðsfund með því að vera með og svona geðþóttareglur sem eru settar og mörkin greinilega dregin til þess að útiloka okkur,“ sagði Vésteinn. Kjósendur eigi að fá sem fyllstar upplýsingar til þess að mynda sér skoðun fyrir kosningarnar. „Þetta er líka skaðlegt fyrir kjósendur sem fá þá ekki eins mörg tækifæri til að mynda sér skoðun á okkar málflutningi. Ef að málflutningurinn okkar er rosalega vitlaus þá hlýtur það að vera fyrir bestu að kjósendur sjái það líka,“ sagði Vésteinn.Alþýðufylkingin telur nauðsynlegt að stemma í stigu við fjölda ferðamanna sem hingað koma til lands.vísir/anton brinkVilja fækka ferðamönnum Eitt af stefnumálum Alþýðufylkingarinnar er að komið verði böndum á það hversu margir ferðamenn geti heimsótt Ísland, stefna eigi á það að fækka þeim ferðamönnum sem hingað koma. Ferðamenn hafa sótt hingað í auknum mæli undanfarin ár og komu tæplega tvær milljónir ferðamanna hingað til lands á síðasta ári. Vésteinn vill meina að þolmörkum sé náð og rúmlega það. „Fyrir það fyrsta ber þetta land ekkert endalausan fjölda ferðamanna vegna viðkvæmrar náttúru. Hins vegar er samfélagið okkar mjög viðkvæmt. Það er verið að byggja á hótel og alls konar á væntingum að vöxturinn verði áfram svona mikill næstu árin. Hann þarf ekki annað en að staðna til að kippa fótunum undan vexti ferðamannabransans,“ sagði Vésteinn. Þá varaði Vésteinn við því að ferðamannaiðnaðurinn á Íslandi sé viðkvæmur fyrir áhrifum mögulegrar efnahagskreppu í löndunum í kringum okkar. „Þegar kemur næst kreppa í einhverju af stóru löndunum Í Evrópusambandinu eða Bandaríkjunum þaðan sem koma margir ferðamenn, haldið þið að flúðasiglingin á Íslandi sé ekki eitt af því sem fólk hætti við að kaupa sér þegar fólk missir vinnuna eða eitthvað gefur á bátinn? Þá eigum við eftir að leggjast með flensu þegar Þýskaland fær kvef.“
Kosningar 2017 Tengdar fréttir Kosningaspjall Vísis: Frambjóðendur svara spurningum lesenda í beinni útsendingu Kosningaspjall Vísis hefst næstkomandi mánudag, 9. október, en í þættinum koma fulltrúar þeirra flokka sem bjóða fram til Alþingis í kosningunum þann 28. október og svara spurningum lesenda og áhorfenda Vísis. 5. október 2017 14:15 Mest lesið Kona á níræðisaldri sá björninn í þriggja metra fjarlægð Innlent Hvítabjörninn felldur: Forðaði sér inn og sendi skilaboð á dóttur sína Innlent Reyndist ekki faðir stúlknanna Innlent Rafrettukóngur og eigandi Drekans sakaðir um 740 milljóna brot Innlent Nafn mannsins sem lést í vinnuslysi í Árborg Innlent Benedikt Sveinsson er látinn Innlent Endalaus þrautaganga Haraldar eftir svörum Innlent Engar ábendingar borist þrátt fyrir ákall Innlent Ákærður fyrir að stinga lækni í kvöldgöngu Innlent Brynjar segir af sér Innlent Fleiri fréttir Þyrlan aðstoðar lögreglu við Reynisfjall Sýknaður af ákæru um manndráp af gáleysi á Akureyri Ákærður fyrir að stinga lækni í kvöldgöngu „Kerfið er algjörlega að bregðast fólkinu“ Vinnuslys töluvert tíðari á Íslandi en í Noregi Áhyggjuefni að innri landamærin séu ekki betur tryggð Dæmi um að fólk hafi fallið frá á meðan beðið er eftir NPA-þjónustu Kona á níræðisaldri sá björninn í þriggja metra fjarlægð Brynjar vill herða upp á mannréttindahugtakinu Hvítabjörninn felldur: Forðaði sér inn og sendi skilaboð á dóttur sína Útilokar ekki að snúa sér að öðrum verkefnum Senda vopnaða menn á svæðið Tilkynnt um ísbjörn og þyrla gæslunnar ræst út Óska eftir myndefni af Krýsuvíkurvegi Rafrettukóngur og eigandi Drekans sakaðir um 740 milljóna brot Nafn mannsins sem lést í vinnuslysi í Árborg „Fatlaða fólkið verður fyrir miskanum“ Hart tekist á um netaveiði í Ölfusá Reyndist ekki faðir stúlknanna Boða til kyrrðarstundar því íslenskt samfélag standi á krossgötum Engar ábendingar borist þrátt fyrir ákall Ríki og sveitarfélög benda á hvort annað varðandi NPA Útlendingum á Íslandi fjölgar hratt Brynjar snýr sér að mannréttindamálum Almenn ánægja með nýtt útlit Alþingis Brynjar segir af sér Forsætisráðherra mætir fyrstur manna í Samtalið Sjálfsagt að skoða að semja við önnur ríki um að hýsa erlenda fanga Benedikt Sveinsson er látinn Endalaus þrautaganga Haraldar eftir svörum Sjá meira
Kosningaspjall Vísis: Frambjóðendur svara spurningum lesenda í beinni útsendingu Kosningaspjall Vísis hefst næstkomandi mánudag, 9. október, en í þættinum koma fulltrúar þeirra flokka sem bjóða fram til Alþingis í kosningunum þann 28. október og svara spurningum lesenda og áhorfenda Vísis. 5. október 2017 14:15