Sektaður fyrir að labba út úr miðjum leik

Tenniskappinn skrautlegi, Nick Kyrgios, sýndi af sér einstaklega óíþróttamannslega framkomu í gær.

Hann gekk þá af velli eftir að hafa tapað fyrsta settinu gegn Steve Johnson á Shanghai Masters.

Fyrr í leiknum fékk hann aðvörun fyrir að negla tveim boltum út langt út fyrir völlinn í pirringskasti. Það var baulað hraustlega á Kyrgios er hann bara gafst upp og labbaði út.

Mótshaldarar sektuðu hann um rúma milljón fyrir þessa hegðun og hann fær heldur ekki rúmar tvær milljónir króna sem hann átti að fá fyrir þátttöku sína í mótinu.

Kyrgios baðst síðar afsökunar og sagðist hafa verið slappur í maganum.