Segir að setja þurfi ESB og stjórnarskrána til hliðar svo viðræðurnar springi ekki Birgir Olgeirsson skrifar 2. nóvember 2017 21:15 Sigurður Ingi, Logi Einarsson og Katrín Jakobsdóttir ræðast við. Vísir „Ég held að það sé afskaplega erfitt að segja á þessu stigi,“ segir Guðmundur Hálfdánarson, prófessor í sagnfræði við Háskóla Íslands, þegar hann er beðinn um að meta líkurnar á að viðræður stjórnarandstöðuflokkanna leiði til ríkisstjórnarsamstarfs. Katrín Jakobsdóttir, formaður Vinstri grænna, fékk í dag umboð frá forseta Íslands til að hefja formlegar stjórnarmyndunarviðræður með Samfylkingunni, Framsóknarflokknum og Pírötum. Guðmundur segir ljóst að áhuginn sé fyrir hendi. „Og að þetta getur mögulega gengið, svo verður bara að sjá til. Katrín fékk umboðið og þá liggur væntanlega eitthvað að baki því,“ segir Guðmundur. „Það biður enginn um umboðið nema hann telji sig eiga einhverjar líkur á að mynda stjórn.“ Katrín sagði á Bessastöðum í dag að áhersla yrði lögð á að ná saman um tiltekin málefni og að allir flokkar í þessum viðræðum þurfi að leggja einhver mál til hliðar. „Það er engin ein ríkisstjórn sem getur leyst öll heimsins ágreiningsmál,“ sagði Katrín jafnframt.Guðmundur Hálfdánarson, prófessor í sagnfræði við Háskóla Íslands.Vísir/anton brinkEins manns meirihluti hræðir Guðmundur segir fyrri ríkisstjórn hafa verið með eins manns meirihluta. Ef þessi ríkisstjórn veðrur að veruleika verður hún einnig með eins manns meirihluta og það sé eitthvað sem hræði væntanlega þá sem standa að þessum viðræðum. „Það þarf þá í rauninni að geirnegla stjórnarsáttmálann og fá það á hreint til hvers sé verið að fara í stjórn. Ef mönnum tekst að finna línuna getur vel verið að þetta gangi. En það er mikilvægt að málefnin sem á að vinna að og samkomulag er um liggi fyrir. Þetta er dálítið óvenjulegt í íslenskri pólitík. Það var þriggja flokka ríkisstjórn með eins manns meirihluta sem gekk ekki upp og það er óvenjulegt að stórar ríkisstjórnir með mörgum flokkum og lítinn meirihluta standi. Það þarf svolítið nýja pólitíska list til að láta það ganga upp en við búum við þennan veruleika og það er vonandi að mönnum takist það,“ segir Guðmundur.Engin sátt um ESB og stjórnarskrá Hann heldur að ESB-málið og stjórnarskrármálið verði sett til hliðar. „Ef það á að setja þau efst á listann, þá springur þetta því um þessi mál er engin sátt. Ég held að það verði frekar að menn reyni að ná samkomulagi um heilbrigðismál, menntamál og þessi stóru mál og reyni að vinna í þeim. Þessi mál sem er mjög mikill ágreiningur um innan þessa hóps sem er þarna, og líka í samfélaginu, ef þú ert með lítinn meirihluta þá þýðir bara ekkert að vinna í þeim, þú verður bara að gjöra svo vel og láta þau bíða,“ segir Guðmundur.Þórhildur Sunna Ævarsdóttir, ígildi formanns Pírata.Vísir/AntonÞórhildur Sunna Sævarsdóttir Pírati sagði í kvöldfréttum Stöðvar 2 að Píratar hafi sett stjórnarskrármálið á oddinn og bendir Guðmundur á að Samfylkingin hafi haft Evrópumálin framarlega hjá sér. „Ef þau setja það framarlega þá auðvitað gengur þetta ekki neitt,“ segir Guðmundur. „Þetta er eitt af því sem þau eru að semja um. Geta þau látið þau mál sem þau telja mest spennandi bíða vegna þess að þau hafa einfaldlega ekki stuðning fyrir þeim. Það þarf að taka á þeim málum sem hóparnir eru sammála um og þá getur þetta gengið. Ef ekki, þá er þetta búið.“Allskonar hugmyndir hver á að fá umboðiðGuðni Th. Jóhannesson, forseti Íslands, taldi ástæðu til að skerpa á því að hann einni veiti formlegt umboð til stjórnarmyndunarviðræðna. Guðmundur segist ekki gera sér grein fyrir því af hverju forsetinn ákvað að gera það. „Ég veit það bara að það eru allskonar hugmyndir um stjórnarmyndunarviðræður en þetta snýst bara fyrst og fremst um það hver getur myndað stjórn. Það er það sem þetta snýst um. Það getur auðvitað bara einn gert það, þú getur bara myndað eina meirihlutastjórn. Það er kannski það að menn eru komnir með allskonar hugmyndir um hver á að fá umboðið, sá sem vann stærsta sigurinn eða stærsti flokkurinn, en það er bara ekkert svoleiðis. Forsetinn ræðir við alla formenn flokkanna og reynir að meta hver er líklegastur til að mynda meirihlutastjórn. Það er flókið mál og hann hefur talið Katrínu líklegasta að þessu sinni til að gera það. Svo getur verið að það bara gangi ekki og þá hefst leikurinn upp á nýtt.“Katrín Jakobsdóttir ásamt Guðna Th. Jóhannessyni forseta Íslands á Bessastöðum fyrr í dag.Vísir/ErnirForsetinn ráði í raun engu um viðræðurnarGuðni benti einnig á að þegar Katrínu hefur verið veitt stjórnarmyndunarumboðið þá sé komin skuldbinding á flokksleiðtogana við að vinna að tiltekinni stjórnarmyndun og ekki annarri. Guðmundur segir forsetann í raun ekki ráða neinu um þetta. „Hann getur reynt að hlusta á stjórnmálamenn en það eru stjórnmálamennirnir sem mynda ríkisstjórn og það getur þess vegna endað með því að Framsóknarflokkurinn myndi ríkisstjórn með Sjálfstæðisflokknum og Vinstri grænum. En þetta er greinilega það sem Katrín vill og þeir flokkar sem hún hefur talað við. Þá er bara að sjá hvort að það muni takast.“Verða fyrst að reyna við vinstrið til að geta látið reyna á draumastöðuna Rætt hefur verið um að Framsóknarflokkurinn hafi nokkra aðra möguleika í stöðunni til að mynda ríkisstjórn en Guðmundur segist ekki trúa öðru en að flokkurinn hafi ákveðið að hefja þessar stjórnarmyndunarviðræður nema af fullri alvöru.Sigurður Ingi Jóhannsson og Bjarni Benediktsson, formaður Sjálfstæðisflokksins.Vísir„Þeir hafa auðvitað mjög marga möguleika og eru þarna í miðjunni en ég hef grun um, án þess að hafa nokkra einustu hugmynd um það, að þeir skynji það þannig að draumastaða þeirra um að Framsókn myndi leiða saman Sjálfstæðisflokkinn og Vinstri græna í ríkisstjórn sé ekki í myndinni. Það verður að fullreyna þetta að minnsta kosti áður en það verður látið reyna á það.“ Spurður hvort að hann haldi að Framsóknarflokkurinn sé með þessum viðræðum að reyna að styrkja stöðu sína gagnvart Sjálfstæðisflokknum segir Guðmundur tímann einungis geta leitt það í ljós. „Ég að minnsta kosti vona að menn fari í formlegar stjórnarmyndunarviðræður af fullri einlægni. Svo getur það auðvitað verið að það gangi ekki. Þetta er ekkert tryggt. Þetta er allavega eitthvað sem menn telja hugsanlegt eins og sakir standa. Við verðum að treysta því að stjórnmálamennirnir okkar séu fyrst og fremst að reyna með þessu að koma á starfhæfri ríkisstjórn, en hver veit,“ segir Guðmundur. Kosningar 2017 Tengdar fréttir Talsamband er komið á milli Sigurðar Inga og Sigmundar Sigurður Ingi Jóhannsson átti frumkvæði að samtali þeirra Sigmundar Davíðs í gær. Ekki er ljóst hvort samtal þeirra hefur áhrif á yfirstandandi viðræður á vinstri vængnum. Úrslitastund vinstri flokkanna rennur upp í dag. Stjórnarskráin er á dagskrá viðræðnana en Evrópusambandið ekki. 2. nóvember 2017 06:00 Katrín hóflega bjartsýn: „Ekki sopið kálið þó í ausuna sé komið“ Formlegar stjórnarmyndunarviðræður Vinstri grænna, Samfylkingarinnar, Pírata og Framsóknarflokksins munu hefjast á morgun. 2. nóvember 2017 16:58 „Það er engin ein ríkisstjórn sem getur leyst öll heimsins ágreiningsmál“ Leiðtogar stjórnarandstöðuflokkanna bjartsýnir á framhaldið. 2. nóvember 2017 18:59 Sigmundur Davíð ekki bjartsýnn á fyrirhugaða ríkisstjórn Sigmundur Davíð Gunnlaugsson, formaður Miðflokksins er ekki bjartsýnn á mögulega ríkisstjórn VG, Framsóknarflokksins, Pírata og Samfylkingar. Hann óttast að hún yrði verklítil og ófær um að taka erfiðar ákvarðanir sökum naums meirihluta. 2. nóvember 2017 20:30 Katrín komin með keflið Formlegar stjórnarviðræður undir forystu Katrínar Jakobsdóttur hafnar. 2. nóvember 2017 16:16 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
„Ég held að það sé afskaplega erfitt að segja á þessu stigi,“ segir Guðmundur Hálfdánarson, prófessor í sagnfræði við Háskóla Íslands, þegar hann er beðinn um að meta líkurnar á að viðræður stjórnarandstöðuflokkanna leiði til ríkisstjórnarsamstarfs. Katrín Jakobsdóttir, formaður Vinstri grænna, fékk í dag umboð frá forseta Íslands til að hefja formlegar stjórnarmyndunarviðræður með Samfylkingunni, Framsóknarflokknum og Pírötum. Guðmundur segir ljóst að áhuginn sé fyrir hendi. „Og að þetta getur mögulega gengið, svo verður bara að sjá til. Katrín fékk umboðið og þá liggur væntanlega eitthvað að baki því,“ segir Guðmundur. „Það biður enginn um umboðið nema hann telji sig eiga einhverjar líkur á að mynda stjórn.“ Katrín sagði á Bessastöðum í dag að áhersla yrði lögð á að ná saman um tiltekin málefni og að allir flokkar í þessum viðræðum þurfi að leggja einhver mál til hliðar. „Það er engin ein ríkisstjórn sem getur leyst öll heimsins ágreiningsmál,“ sagði Katrín jafnframt.Guðmundur Hálfdánarson, prófessor í sagnfræði við Háskóla Íslands.Vísir/anton brinkEins manns meirihluti hræðir Guðmundur segir fyrri ríkisstjórn hafa verið með eins manns meirihluta. Ef þessi ríkisstjórn veðrur að veruleika verður hún einnig með eins manns meirihluta og það sé eitthvað sem hræði væntanlega þá sem standa að þessum viðræðum. „Það þarf þá í rauninni að geirnegla stjórnarsáttmálann og fá það á hreint til hvers sé verið að fara í stjórn. Ef mönnum tekst að finna línuna getur vel verið að þetta gangi. En það er mikilvægt að málefnin sem á að vinna að og samkomulag er um liggi fyrir. Þetta er dálítið óvenjulegt í íslenskri pólitík. Það var þriggja flokka ríkisstjórn með eins manns meirihluta sem gekk ekki upp og það er óvenjulegt að stórar ríkisstjórnir með mörgum flokkum og lítinn meirihluta standi. Það þarf svolítið nýja pólitíska list til að láta það ganga upp en við búum við þennan veruleika og það er vonandi að mönnum takist það,“ segir Guðmundur.Engin sátt um ESB og stjórnarskrá Hann heldur að ESB-málið og stjórnarskrármálið verði sett til hliðar. „Ef það á að setja þau efst á listann, þá springur þetta því um þessi mál er engin sátt. Ég held að það verði frekar að menn reyni að ná samkomulagi um heilbrigðismál, menntamál og þessi stóru mál og reyni að vinna í þeim. Þessi mál sem er mjög mikill ágreiningur um innan þessa hóps sem er þarna, og líka í samfélaginu, ef þú ert með lítinn meirihluta þá þýðir bara ekkert að vinna í þeim, þú verður bara að gjöra svo vel og láta þau bíða,“ segir Guðmundur.Þórhildur Sunna Ævarsdóttir, ígildi formanns Pírata.Vísir/AntonÞórhildur Sunna Sævarsdóttir Pírati sagði í kvöldfréttum Stöðvar 2 að Píratar hafi sett stjórnarskrármálið á oddinn og bendir Guðmundur á að Samfylkingin hafi haft Evrópumálin framarlega hjá sér. „Ef þau setja það framarlega þá auðvitað gengur þetta ekki neitt,“ segir Guðmundur. „Þetta er eitt af því sem þau eru að semja um. Geta þau látið þau mál sem þau telja mest spennandi bíða vegna þess að þau hafa einfaldlega ekki stuðning fyrir þeim. Það þarf að taka á þeim málum sem hóparnir eru sammála um og þá getur þetta gengið. Ef ekki, þá er þetta búið.“Allskonar hugmyndir hver á að fá umboðiðGuðni Th. Jóhannesson, forseti Íslands, taldi ástæðu til að skerpa á því að hann einni veiti formlegt umboð til stjórnarmyndunarviðræðna. Guðmundur segist ekki gera sér grein fyrir því af hverju forsetinn ákvað að gera það. „Ég veit það bara að það eru allskonar hugmyndir um stjórnarmyndunarviðræður en þetta snýst bara fyrst og fremst um það hver getur myndað stjórn. Það er það sem þetta snýst um. Það getur auðvitað bara einn gert það, þú getur bara myndað eina meirihlutastjórn. Það er kannski það að menn eru komnir með allskonar hugmyndir um hver á að fá umboðið, sá sem vann stærsta sigurinn eða stærsti flokkurinn, en það er bara ekkert svoleiðis. Forsetinn ræðir við alla formenn flokkanna og reynir að meta hver er líklegastur til að mynda meirihlutastjórn. Það er flókið mál og hann hefur talið Katrínu líklegasta að þessu sinni til að gera það. Svo getur verið að það bara gangi ekki og þá hefst leikurinn upp á nýtt.“Katrín Jakobsdóttir ásamt Guðna Th. Jóhannessyni forseta Íslands á Bessastöðum fyrr í dag.Vísir/ErnirForsetinn ráði í raun engu um viðræðurnarGuðni benti einnig á að þegar Katrínu hefur verið veitt stjórnarmyndunarumboðið þá sé komin skuldbinding á flokksleiðtogana við að vinna að tiltekinni stjórnarmyndun og ekki annarri. Guðmundur segir forsetann í raun ekki ráða neinu um þetta. „Hann getur reynt að hlusta á stjórnmálamenn en það eru stjórnmálamennirnir sem mynda ríkisstjórn og það getur þess vegna endað með því að Framsóknarflokkurinn myndi ríkisstjórn með Sjálfstæðisflokknum og Vinstri grænum. En þetta er greinilega það sem Katrín vill og þeir flokkar sem hún hefur talað við. Þá er bara að sjá hvort að það muni takast.“Verða fyrst að reyna við vinstrið til að geta látið reyna á draumastöðuna Rætt hefur verið um að Framsóknarflokkurinn hafi nokkra aðra möguleika í stöðunni til að mynda ríkisstjórn en Guðmundur segist ekki trúa öðru en að flokkurinn hafi ákveðið að hefja þessar stjórnarmyndunarviðræður nema af fullri alvöru.Sigurður Ingi Jóhannsson og Bjarni Benediktsson, formaður Sjálfstæðisflokksins.Vísir„Þeir hafa auðvitað mjög marga möguleika og eru þarna í miðjunni en ég hef grun um, án þess að hafa nokkra einustu hugmynd um það, að þeir skynji það þannig að draumastaða þeirra um að Framsókn myndi leiða saman Sjálfstæðisflokkinn og Vinstri græna í ríkisstjórn sé ekki í myndinni. Það verður að fullreyna þetta að minnsta kosti áður en það verður látið reyna á það.“ Spurður hvort að hann haldi að Framsóknarflokkurinn sé með þessum viðræðum að reyna að styrkja stöðu sína gagnvart Sjálfstæðisflokknum segir Guðmundur tímann einungis geta leitt það í ljós. „Ég að minnsta kosti vona að menn fari í formlegar stjórnarmyndunarviðræður af fullri einlægni. Svo getur það auðvitað verið að það gangi ekki. Þetta er ekkert tryggt. Þetta er allavega eitthvað sem menn telja hugsanlegt eins og sakir standa. Við verðum að treysta því að stjórnmálamennirnir okkar séu fyrst og fremst að reyna með þessu að koma á starfhæfri ríkisstjórn, en hver veit,“ segir Guðmundur.
Kosningar 2017 Tengdar fréttir Talsamband er komið á milli Sigurðar Inga og Sigmundar Sigurður Ingi Jóhannsson átti frumkvæði að samtali þeirra Sigmundar Davíðs í gær. Ekki er ljóst hvort samtal þeirra hefur áhrif á yfirstandandi viðræður á vinstri vængnum. Úrslitastund vinstri flokkanna rennur upp í dag. Stjórnarskráin er á dagskrá viðræðnana en Evrópusambandið ekki. 2. nóvember 2017 06:00 Katrín hóflega bjartsýn: „Ekki sopið kálið þó í ausuna sé komið“ Formlegar stjórnarmyndunarviðræður Vinstri grænna, Samfylkingarinnar, Pírata og Framsóknarflokksins munu hefjast á morgun. 2. nóvember 2017 16:58 „Það er engin ein ríkisstjórn sem getur leyst öll heimsins ágreiningsmál“ Leiðtogar stjórnarandstöðuflokkanna bjartsýnir á framhaldið. 2. nóvember 2017 18:59 Sigmundur Davíð ekki bjartsýnn á fyrirhugaða ríkisstjórn Sigmundur Davíð Gunnlaugsson, formaður Miðflokksins er ekki bjartsýnn á mögulega ríkisstjórn VG, Framsóknarflokksins, Pírata og Samfylkingar. Hann óttast að hún yrði verklítil og ófær um að taka erfiðar ákvarðanir sökum naums meirihluta. 2. nóvember 2017 20:30 Katrín komin með keflið Formlegar stjórnarviðræður undir forystu Katrínar Jakobsdóttur hafnar. 2. nóvember 2017 16:16 Mest lesið Tveir reyndust í skotti bíls Innlent „Ef hann hefði verið einn þá hefði þetta getað farið miklu verr“ Innlent Býst við þremur áminningum til og hjólar í lögmannanefnd Innlent Segir valsað um sjúkraskrána eins og á rölti um Kringluna Innlent Fannst hann þvingaður til að afsala sér hundinum Innlent Starfsfólk Ítalíu vill bíl Eflingar burt Innlent Vill hætta við nýja brú yfir Ölfusá og spara milljarða króna Innlent 21 árs konu bjargað á Gasa tíu árum eftir að henni var rænt Erlent Lögmaður eiginkonunnar fyrrverandi segir lögreglu ljúga Innlent Harður þriggja bíla árekstur á Suðurlandsvegi Innlent Fleiri fréttir Vilhjálmur Hjálmarsson kjörinn varaformaður ÖBÍ „Ef hann hefði verið einn þá hefði þetta getað farið miklu verr“ Bátarnir frá eldgosinu í Vestmannaeyjum málaðir á vita Af hverju er barnið mitt alltaf að segja Skibidi toilet? „Þegar hægrið fær að ráða ferðinni óheft og án alls taumhalds fer illa“ Fagna löngu tímabærri breytingu Átök í miðausturlöndum, ný forysta VG og mállýska unga fólksins Mótmælendur hindruðu för lögreglubíls í forgangsakstri Svandís og Guðmundur Ingi nýir leiðtogar Vinstri grænna Málningu kastað og ryskingar við sendiráðið Fannst hann þvingaður til að afsala sér hundinum Biskup Íslands predikar í Vík á 90 ára afmæli kirkjunnar Erfitt að setja tölu á hve margir vilji stjórnarslit Harður þriggja bíla árekstur á Suðurlandsvegi Landsfundur ræðir stjórnarslit og nýjum reglum um blóðgjöf fagnað Tveir stórir skjálftar í Bárðarbunguöskjunni Ríkisstjórnarflokkarnir mælast með tuttugu prósenta fylgi Þorgerður Katrín: Enginn ráðskonurass undir fólki í Viðreisn Tveir reyndust í skotti bíls Mannekla bindur hendur héraðssaksóknara í samráðsmáli Kertavaka til minningar um konur sem hafa dáið vegna kynbundins ofbeldis Munu hlýða kröfu landsfundar verði tillaga um stjórnarslit samþykkt Munu ekki láta af herferð vegna launaþjófnaðarins Orlof húsmæðra: Barn síns tíma eða liður í jafnrétti? Ákveðinn hópur hafi unnið að niðurstöðunni undir yfirborðinu „Öllum ljóst að Ölfusárbrú verði að rísa“ Loksins mega hommar gefa blóð Blóðgjöf samkynhneigðra karla leyfð og ósáttar húsmæður Fimm bíla árekstur á Vesturlandsvegi Nefndin deili ekki við þá sem gagnrýna hana á „mis málefnalegan hátt“ Sjá meira
Talsamband er komið á milli Sigurðar Inga og Sigmundar Sigurður Ingi Jóhannsson átti frumkvæði að samtali þeirra Sigmundar Davíðs í gær. Ekki er ljóst hvort samtal þeirra hefur áhrif á yfirstandandi viðræður á vinstri vængnum. Úrslitastund vinstri flokkanna rennur upp í dag. Stjórnarskráin er á dagskrá viðræðnana en Evrópusambandið ekki. 2. nóvember 2017 06:00
Katrín hóflega bjartsýn: „Ekki sopið kálið þó í ausuna sé komið“ Formlegar stjórnarmyndunarviðræður Vinstri grænna, Samfylkingarinnar, Pírata og Framsóknarflokksins munu hefjast á morgun. 2. nóvember 2017 16:58
„Það er engin ein ríkisstjórn sem getur leyst öll heimsins ágreiningsmál“ Leiðtogar stjórnarandstöðuflokkanna bjartsýnir á framhaldið. 2. nóvember 2017 18:59
Sigmundur Davíð ekki bjartsýnn á fyrirhugaða ríkisstjórn Sigmundur Davíð Gunnlaugsson, formaður Miðflokksins er ekki bjartsýnn á mögulega ríkisstjórn VG, Framsóknarflokksins, Pírata og Samfylkingar. Hann óttast að hún yrði verklítil og ófær um að taka erfiðar ákvarðanir sökum naums meirihluta. 2. nóvember 2017 20:30
Katrín komin með keflið Formlegar stjórnarviðræður undir forystu Katrínar Jakobsdóttur hafnar. 2. nóvember 2017 16:16