Simmons hefur breytt liði 76ers

Á meðan það er enn vandræðagangur á Cleveland Cavaliers heldur Philadelphia 76ers áfram að blómstra með hinn unga Ben Simmons í fararbroddi en hann fór á kostum í nótt.

Simmons skoraði 19 stig, tók 13 fráköst og gaf 9 stoðsendingar í þriðja sigri 76ers í röð. Fórnarlamb næturinnar var Altanta Hawks.

„Þetta lið getur mikið betur og eftir nokkur ár verður þetta virkilega gaman,“ sagði hinn 21 árs gamli Simmons.

Cleveland er búið að tapa fjórum leikjum í röð en að þessu sinni tapaði liðið gegn Indiana. Það er eitthvað mikið að í herbúðum liðsins sem tók liðsfund á dögunum og ræddi um að létta á stemningunni. Það gekk augljóslega ekki upp.

LeBron James skoraði 33 stig og gaf 11 stoðsendingar í nótt en það dugði ekki til.

Úrslit:

Charlotte-Milwaukee  126-121

Cleveland-Indiana  107-124

Philadelphia-Atlanta  119-109

Washington-Phoenix  116-122

Boston-Sacramento  113-86

Miami-Chicago  97-91

NY Knicks-Houston  97-119

Memphis-Orlando  99-101

New Orleans-Minnesota  98-104

Denver-Toronto  129-111

Utah-Portland  112-103

LA Clippers-Dallas  119-98

Staðan í NBA-deildinni.