Gunnar Nelson kallar eftir bardaga í fyrsta sinn: „Ég er klár stóri strákur“

Íslenski bardagamaðurinn Gunnar Nelson gæti á verið á leiðinni í bardaga á móti Darren Till frá Liverpool ef marka má skrif hans inn á Instagram-síðu Darren Till í kvöld.

Gunnar dreymdi um að fá að mæta Stephen „Wonderboy“ Thompson en nú hefur íslenski víkingurinn boðið Darren Till upp í dans.

Gunnar svaraði Instagram-færslu Darren Till þar sem hann sagðist vera til í bardaga við hann hvenær sem er. „Ég er klár stóri strákur“ skrifaði Gunnar þegar Till var að pirrast yfir því að enginn þorði í hann.

Darren Till pakkaði Donald „Cowboy“ Cerrone saman í Póllandi á dögunum og hélt að hann væri að fá risabardaga á móti sjálfum  sjálfan Stephen „Wonderboy“ Thompson á heimavelli. Þjálfari Thompson sagði hinsvegar að skjólstæðingur sinn hefði engan áhuga á því að berjast við Till á þessum tímapunkti.

Darren Till tjáði sig um þetta inn á Instagram-síðu sinni þar sem hann talaði um að enginn þori í sig. Hann lét það reyndar fylgja að hann væri svo öflugur að hann sjálfur myndi líklega hlaupa af hólmi.

Gunnar svaraði honum hinsvegar og kallaði eftir bardaga í fyrsta sinn á ferlinum.

Faðir hans, Haraldur Dean Nelson,‏ blandaði sér einnig í málið og lagði til að bardaginn færi annaðhvort fram í London eða Liverpool.

Það má lesa samskipti þeirra félaga inn á Instagram í kvöld hér fyrir neðan.

 

They’re all running scared, fuck... I would run from me!!

A post shared by Till (@darrentill2) on Nov 10, 2017 at 5:16am PST