Gluggi opnast fyrir Albert með metkaupum Brighton

Brighton tilkynnti í kvöld að félagið hefði gengið frá kaupunum á Jurgen Locadia frá PSV en hann varð um leið dýrasti leikmaður í sögu félagsins.

Hjá Brighton hittir hann fyrir fyrrum liðsfélaga sinn frá PSV, Davy Pröpper, sem gekk til liðs við nýliða Brighton síðastliðið sumar.

Locadia hefur átt flott tímabil með níu mörk og sex stoðsendingar í fimmtán leikjum en hann skoraði fjögur mörk í sigri PSV á dögunum.

Gæti þetta þýtt að Albert Guðmundsson fær aukin tækifæri hjá PSV en hann hefur verið töluvert í leikmannahóp hollenska stórveldisins en hefur þurft að bíða eftir tækifæri sínu.

BREAKING: Albion have completed the club-record signing of striker Jurgen Locadia from Dutch Eredivisie side @PSV, on undisclosed terms.#BHAFC pic.twitter.com/uBYdn9rnqC

— Brighton & Hove Albion ⚽️ (@OfficialBHAFC) January 19, 2018