Strigaskór og litríkar buxnadragtir í Kaupmannahöfn

Glamour er statt í Kaupmannahöfn þessa dagana á tískuvikunni hjá nágrönnum okkar í Danmörku. Íslenska tískuelítan, eins og gjarna má kalla innkaupafólk, bloggara og aðra sem starfa innan íslenska tískubransann, fjölmennir gjarna á þessa tískuviku enda selja Danir fjöldann allan af merkjum hér á landi og tískan höfðar vel til okkar hér. 

Tískuvikan í Köben fer vel af stað og borgin iðar af lífi.  Af sýningum gærdagsins stóð Blanche hvað helst upp úr en Blanche er merki sem hannar tímalausan kvenfatnað og gleðifregnirnar eru þær að merkið er væntanlegt í verslun Húrra Reykjavík í næsta mánuði.

Gestir sýningarinnar voru hver öðrum glæsilegri en ljósmyndarinn Aníta Eldjárn sá um að festa nokkra smekklega klædda gesti á filmu fyrir Glamour. Strigaskór og litríkar buxnadragtir virðast vera málið þessa dagana hinum meginn við hafið.