Enski boltinn

Gæti fengið 29 milljóna króna sekt

Óskar Ófeigur Jónsson skrifar
Riyad Mahrez.
Riyad Mahrez. Vísir/Getty
Alsíringurinn Riyad Mahrez er týndur og tröllum gefinn þessa dagana því yfirmenn hans hjá Leicester vita ekkert hvar hann er niðurkominn. Það mun á endanum kosta hann mörg mánaðarlaun hins almenna verkamanns.

Leicester City vildi ekki selja Riyad Mahrez á lokadegi félagsskiptagluggans þrátt fyrir að hafa fengið risatilboð frá Manchester City. Leicester hafnaði tilboðinu og City hætti við að eltast við leikmanninn.

Riyad Mahrez var talinn vera 65 milljón punda virði en Leicester vildi fá að minnsta kosti 80 milljón punda fyrir hann.

Þetta var fjórði félagsskiptaglugginn í röð þar sem framtíð Riyad Mahrez var mikið í umræðunni og ljóst á öllum fréttum að málinu síðan að þolinmæði leikmannsins sé á þrotum.

Mirror segir frá því Riyad Mahrez hafi ekki sést hjá Leicester síðan að það var ljóst að félagið ætlaði ekki að selja hann til Manchester City. Það veit enginn innan félagsins hvar hann er niðurkominn.





Samkvæmt frétt Mirror þá gæti Mahrez verið sektaður um 200 þúsund pund eða um 29 milljónir íslenskra króna. Þetta jafngildir tveggja vikna launum leikmannsins. Stórar upphæðir fyrir meðalmaninn en kannski ekki eins mikið áfall fyrir hann.  

Forráðamenn Leicester hafa einnig miklar áhyggjur af því að nú vita þeir ekki hvar Riyad Mahrez sé staddur fari svo að hann verði kallaður í lyfjapróf. Það er þeirra skylda að geta sagt lyfjaeftirlitinu hvar leikmanninn sé að finna.

Vinir Riyad Mahrez segja hann vera þunglyndan vegna þess að missa af möguleikanum á því að komast til Manchester City en janframt kemur fram í Mirror að liðsfélagar hans hjá Leicester beri engan kala til Mahrez vegna viðbragða hans og munu fagna endurkomu hans í liðið.



Enski boltinn

Mest lesið


Fleiri fréttir

Sjá meira


×

Mest lesið