Unnsteinn og Ágústa eiga von á dreng

Tónlistar- og sjónvarpsmaðurinn Unnsteinn Manuel Stefánsson og vöruhönnuðurinn Ágústa Sveinsdóttir eiga von á dreng í ágúst. Fregnirnar tilkynntu þau á Facebook í dag.

Unnsteinn og Ágústa hafa verið par í nokkur ár en þau fóru að rugla saman reytum sínum árið 2014.

Unnsteinn hlaut á dögunum Edduverðlaun sem sjónvarpsmaður ársins en hann hefur stýrt sjónvarpsþættinum Hæpinu á RÚV ásamt Katrínu Ásmundsdóttur frá árinu 2014.

Barnalánið virðist leika við Retro-Stefson bræður en litli bróðir Unnsteins, Logi Pedro, eignaðist son síðasta haust.

Færslu Unnsteins má sjá hér að neðan: