Leikmaður Liverpool meiddist með enska landsliðinu

Joe Gomez hefur dregið sig út úr enska landsliðshópnum og er farinn aftur til Liverpool þar sem meiðsli hans verða skoðuð betur.

 

Joe Gomez meiddist í leik Englendinga og Hollendinga á föstudaginn og nú er ljóst að meiðslin eru það alvarleg að hann er úr leik.

Gomez var að leika sinn þriðja landsleik og meiddist eftir aðeins um tíu mínútna leik.

Joe Gomez meiddist þarna á ökkla og það var ljóst strax að hann var ekki að fara halda leik áfram þótt að lítið væri liðið af leiknum.

Early change for the #ThreeLions, as @J_Gomez97 limps off. pic.twitter.com/pTnQcrDyqr

— England (@England) March 23, 2018

Gomez er tvítugur og hefur spilað 29 leiki fyrir Liverpool. Framundan eru átta liða úrslit í Meistaradeildinni og barátta um Meistaradeildarsæti í ensku úrvalsdeildinni og það væri því slæmt fyrir hann að detta út í langan tíma.

Gomez er líka á brúninni að vinna sér sæti í HM-hóp enska landsliðsins og þetta er ekki beint að hjálpa honum að komast til Rússlands í sumar.