Enski boltinn

Gilberto Silva: Leikmennirnir verða að standa með Wenger

Gilberto Silva
Gilberto Silva vísir/getty
Gilberto Silva, fyrrum leikmaður Arsenal, segir að nú sé komið að leikmönnum Arsenal að standa upp og sýna úr hverju þeir eru gerðir og koma pressunni af Arsene Wenger.

 

Mikið er rætt um framtíð Arsene Wenger þessa dagana og er mikið af stuðningsmönnum sem vill að hann verði látinn fara frá félaginu í sumar en Silva vill að stuðningsmennirnir og leikmennirnir styðji hann.

 

,,Eins og er þá eru mjög erfiðir tímar hjá Arsenal en hann er að reyna sitt best að höndla pressuna og ná því besta úr sínum leikmönnum.”

 

,,Ég vann með honum í langan tíma og þess vegna þekki ég hann sem manneskju. Ég veit hversu mikið hann elskar þessa íþrótt og hversu mikið hann fórnar fyrir hana.”

 

,,Þess vegna á pressan eflaust ekki alltaf að vera á Wenger heldur verða leikmennirnir að standa upp og taka ábyrgð.”

 

Arsenal byrjaði árið á 2-2 jafntefli gegn Chelsea en hefur síðan þá tapað fimm leikjum í deildinni og einnig tapað úrslitaleik deildarbikarsins.

 

Enski boltinn

Mest lesið


Fleiri fréttir

Sjá meira


×

Mest lesið