ABBA-kerfið og fjórða skiptingin á Íslandi í sumar

Í Mjólkurbikarnum í sumar verður hægt að gera auka skiptingu þegar leikur fer í framlengingu en þetta er meðal þeirra breyting á knattspyrnulögunum sem KSÍ tilkynnti um á heimasíðu sinni í dag. Þá má ekki lengur taka innköst á hnjánum.

Alþjóðanefnd knattspyrnusambanda hefur nú tilkynnt um einhverjar breytingar á lögunum en mestu breytingarnar varða VAR (myndbands-aðstoðardómara) en það verður ekkert svoleiðis hér á landi í sumar.

Fjórða skiptingin í framlengingu verður gerð leyfileg í Mjólkurbikarnum og einnig í úrslitakeppni fjórðu deildar karla en einnig verður notað svokallað ABBA-kerfi í vítaspyrnukeppnum.

Það virkar þannig að ef lið A byrjar, þá tekur B næstu tvær spyrnur. Fari leikir í Mjólkurbikarnum eða í úrslitakeppnum Íslandsmótsins í sumar í vítaspyrnukeppni verður það ABBA-kerfið sem mun ráða för.

Nú mega dómarar sýna forráðamönnum gul og rauð spjöld inn í svokölluðum boðvangi sem er afmarkað svæði í kringum varamannabekki liðsins þar sem þjálfarar og forráðamenn liðana mega vera. 

Greint er frá því að dómaranefndin mun taka sérstaklega fast á óviðeigandi hegðun forráðamanna í sumar. Áður fyrr fóru spjöldin ekki á loft er forráðamenn í boðvangi áttu í hlut.

Fleiri breytingar og nánari útskýringar má lesa á heimasíðu KSÍ.