Sjáðu hvað Seinni bylgjan sagði um einvígin sem byrja í kvöld

Úrslitakeppni Olís deildar karla í handbolta hefst í kvöld með tveimur leikjum. Deildarmeistarar ÍBV taka þá á móti ÍR í Vestmannaeyjum og FH tekur á móti Aftureldingu í Kaplakrika.

ÍBV og ÍR hefja leik klukkan 18.30 en sá leikur verður líka sýndur beint á Stöð 2 Sport 2. Leikur FH og Aftureldingar hefst síðan klukkan 19.30.

Leikir kvöldsins verða síðan gerðir upp í Seinni bylgjunni klukkan 15.15 á morgun eða fyrir fyrsta leik Íslandsmeistara Vals á móti Haukum á Hlíðarenda.

Seinni bylgjan fór yfir öll einvígin fjögur í sérstökum þætti um úrslitakeppnina í gærkvöldi.

Tómas Þór Þórðarson fór þá yfir einvígin með þeim Gunnari Berg Viktorssyni og Andra Berg Haraldssyni. Hér fyrir neðan má sjá það sem þeir sögðu um einvígi ÍBV-ÍR og einvígi FH og Aftureldingar.

Einvígi ÍBV og ÍR (Liðin í 1. og 8. sæti):

Einvígi FH og Aftureldingar (Liðin í 3. og 6. sæti):