Dyche bestur í mars

Sean Dyche, stjóri Burnley sem Jóhann Berg Guðmundsson leikur með, var í dag valinn stjóri marsmánaðar í enska boltanum.

Undir stjórn Dyche er Burnley í baráttunni um sæti í Evrópudeildinni á næstu leiktíð. Liðið vann alla þrjá leiki sína í mars og það hefur heldur betur hjálpað til í þeirri baráttu.

Sigurleikirnir þrír voru gegn Everton, West Ham og WBA.

Pep Guardiola, Jose Mourinho og Claude Puel komu einnig til greina í valinu þennan mánuðinn en Dyche hreppti hnossið.