Leikstjóri íslenska Eurovision-atriðisins hefði ekki breytt neinu

Arnór Pálmi Arnarson, leikstjóri íslenska atriðisins í Eurovision, segir að eftir á að hyggja hefði hann ekki breytt neinu hvað varðar sviðsetningu á atriðinu í keppninni, allt hafi farið eins og áætlað var og engu hafi þurft að sleppa. Hann segir íslenska hópinn jafnramt ekki hafa látið gagnrýnisraddir á sig fá eftir slæmt gengi á undankvöldi keppninnar síðastliðinn þriðjudag.

Pældu lítið í gagnrýninni

Nokkuð hefur borið á gagnrýni í garð íslenska atriðisins síðustu daga þó að Íslendingar séu flestir sammála um að Ari Ólafsson hafi staðið sig vel. Hann flutti lagið Our Choice á fyrra undankvöldi Eurovision síðastliðinn þriðjudag en hlaut engin stig í símakosningu og komst ekki áfram.

Sigríður Beinteinsdóttir og Eyjólfur Kristjánsdóttir, Sigga og Eyfi, sem bæði hafa tekið þátt í Eurovision fyrir Íslands hönd voru til að mynda sammála um að atriði Íslands hafi verið „steindautt“ og að ekkert hafi verið í gangi á sviðinu. Þá sagði Felix Bergsson, fararstjóri íslenska Eurovision-hópsins í ár, að tilefni sé til að huga betur að sviðssetningu.

Sjá einnig: 90 milljóna króna Eurovision-ævintýri Íslands



Arnór, sem leikstýrði íslenska atriðinu úti í Lissabon, segir í samtali við Vísi að íslenski hópurinn hafi lítið pælt í gagnrýni á atriðið.

„Þetta var það sem við vildum gera og mesti fókusinn fór í að gera allt til að styðja Ara þannig að hann myndi klára þetta svona vel,“ segir Arnór.

„Við vorum að gera okkar besta. Við heyrðum af gagnrýninni en vorum ekki að velta okkur upp úr því, enda ekkert annað hægt. Þetta lag var kosið til að fara áfram og við vorum ótrúlega glöð í höllinni eftir að Ari kláraði. Hann gerði allt sem við lögðum upp með en svo ráðum við ekki hvað Evrópa fílar.“

Aðspurður segir Arnór að hann hefði ekki gert neitt öðruvísi í sviðsetningu á atriðinu þegar litið er til baka, þrátt fyrir gagnrýnisraddir.

„Alls ekki. Við vorum með þetta lag og þennan frábæra dreng að flytja það,“ segir Arnór. „Það var ekkert sem við fengum ekki að gera eða gátum ekki gert. Ari flutti lagið og það var aldrei nein önnur pæling.“

Eldur, reykur, sápukúlur og sviðsmynd

Þórunn Erna Clausen, höfundur lagsins, fór fyrir íslenska teyminu úti í Lissabon en hún söng auk þess bakraddir á sviðinu. Þórunn tjáði sig um gengi íslenska hópsins á Instagram-reikningi sínum í dag.

„Hefðum við getað skipulagt þetta á annan hátt, notað dansara á sviðinu eða flugelda til að gera sviðsetninguna íburðarmeiri... auðvitað! Það sem áhorfendur vita kannski ekki er að það kostar töluvert meira að hafa eld, reyk, sápukúlur, sviðsmynd o.s.frv. á sviðinu og það þarf að þjóna tilgangi í laginu,“ skrifaði Þórunn í færslunni á Instagram í kvöld.

 

So many emotions after months of devotion and hard work on this project and adventuremy heart is full of gratitude for all your kind messages of love and support you guys surely make it all worth while I had the best team imaginable backstage and singers who sang their hearts out on stage in perfect pitch and worked so hard and I'm super proud of them.Ari shone like the star he is, nailing the whole range of Our choice ...more than 2 1/2 octaves...showcasing his amazing vocal range and making it sound easy....with his wonderful charm and heart that he so givingly shared with the world.Could we have orchestrated it differently,used dancers on stage or fireworks to make the staging more extravagant....of course!What the audience might not know is that it costs a lot extra to have fire, smoke, bubbles, set etc on stage and it needs to serve the song.I'm super grateful for the hard work of everyone around us and to the crew of Eurovision, it was an honor to be a part of it all.We spread our message that we have a choice to treat other people with kindness and love... it's important, thank you guys for letting us know that it reached your heartsBehind the strongest people we meet there can be a painful story...so be considerate and kind to others....and please stop violence...please! "We've only got each other now, don't walk away and play pretend, it might as well be you who's suffering tonight! We all have a choice we can make"most of all I'm thankful for the friendships I've made on this journey, they touched my heart. I believe things happen for a reason, and I don't take any of this for granted....that I'll take with me from this.Life is so short and the only thing we know is that we have here and now Love to you all and congratulations to all my friends on your success on Saturday#ourchoice #iceland #singersofeurovision #teamiceland #eurovision #eurovision2018 #esc2018 #singersongwriter @ari_olafsson @erlastef @arnarun @viggis @gunnileo @felixbergsson @baldurrafn90 @rankaclausen @solveigk1985 @elinreynis @sallarinn @birna76 @arnorpalmi @ragnarsantos @bonjonesy @ryan_acoustic @cesarsampson @zibbz_official @eugentbushpepa @davidluther

A post shared by Thorunn Clausen (@thorunnclausen) on May 14, 2018 at 10:41am PDT

Aðspurður út í færslu Þórunnar og þá helst hvort gloríur á borð við eld, reyk og sápukúlur hafi mögulega ekki verið hægt að framkvæma vegna skorts á fjármagni segist Arnór ekki hafa heyrt af því. Þá hafi RÚV ekki pressað á þau að sleppa neinu heldur hafi allt farið eins og áætlað var frá upphafi.

Arnór segir að lokum hópinn þó fyrst og fremst ánægðan með frammistöðu Ara á þriðjudagskvöldið. Að því leyti hafi ætlunarverkið tekist.

„Það sem við lögðum upp með, að Ari myndi flytja þetta lag jafnstórkostlega og hann gerði, það tókst.“