Arnar Freyr framlengir við FH

Vinstri hornamaðurinn Arnar Freyr Ársælsson hefur skrifað undir nýjan tveggja ára samning við handknattleiksdeild FH. Hann því bundinn félaginu til ársins 2020.

Arnar Freyr hefur þótt spila vel fyrir FH í vetur og seinni tveimur leikjum FH í undanúrslitaviðureigninni gegn Selfossi skoraði enginn FH-ingur fleiri mörk.

„Það er mjög ánægjulegt að Freysi hafi ákveðið að vera áfram hjá okkur í Fimleikafélaginu næstu tvö árin. Freysi er einn besti varnarmaður Olísdeildarinnar, frábær sóknarmaður og karakter sem á sér fáa líka. Hann er gríðarlega mikilvægur í okkar félagi,“ segir Ásgeir Jónsson, formaður handknattleiksdeildar FH á vef FH-inga.

Fyrsti leikur FH og ÍBV í úrslitaviðureigninni um Íslandsmeistaratitill hefst klukkan 16:00 í dag. Leikurinn er í beinni útsendingu á Stöð 2 Sport.