Lögreglan leitar að stolnum bíl

Lögreglan á höfuðborgarsvæðinu leitar að bíl sem stolið var frá Blesugróf fyrr í dag rétt eftir hádegi.

Á Facebook-síðu lögreglunnar segir að um sé að ræða dökkgráan Toyota Aygo, árgerð 2007, skráningarnúmer MU-513. Eins bíl má sjá á meðfylgjandi mynd sem lögreglan birti.

Var lyklum af bifreiðinni stolið og bifreiðin tekin í kjölfarið.

„Bifreiðin er með tjón á vinstra framhorni og ljóskerið brotið – bifreiðin er s.s. ljóslaus öðru megin að framan. Einnig má sjá skemmdir á sílsalista, neðan ökumannshurðar. Sjái fólk bifreiðina, kyrrstæða eða á ferð, skal hringja strax í 112,“ segir á Facebook-síðu lögreglunnar.