Ruslabíll skildi eftir sig slóð eyðileggingar

Ölvaður ökumaður ruslabíls olli gríðarlegu tjóni í Brooklyn í New York á laugardag.

Lögreglumenn segja í samtali við fjölmiðla ytra að ökumaðurinn hafi stýrt bíl sínum á hið minnsta níu bifreiðar, ekið niður tré og rústað einn inngang.

Ökumaðurinn hefur verið kærður fyrir ölvunar- og háskaakstur, eignaspjöll, að hafa yfirgefið vettvanginn og fyrir að hafa neitað að blása í áfengismæli.

Yfirmenn ökumannsins hafa gefið það út að honum verði umsvifalaust sagt upp störfum.

Þrátt fyrir að sjö bifreiðar séu sagðar gjörónýtar og að stærðarinnar tré hafi klofnað í tvennt þá slasaðist enginn, sem verður að teljast ótrúlegt - eins og sjá má á myndbandinu sem breska ríkisútvarpið tók saman um málið