Knattspyrnumaðurinn Rúrik Gíslason er orðinn vinsælasti Íslendingurinn á Instagram en hann fór fram úr aflraunamanninum Hafþóri Júlíusi Björnsson rétt í þessu.
Þegar þessi frétt er skrifuð er Rúrik kominn með 1.309.835 fylgjendur en Hafþór er með 1.309.779 fylgjendur.
Rúrik fékk gríðarlega athygli á Instagram þegar hann kom inn á sem varamaður í leik Íslands og Argentínu þann 16. júní á HM í knattspyrnu sem stendur nú yfir í Rússlandi.
Hann var með 32 þúsund fylgjendur þegar mótið hófst en svo virðist sem útlit hans hafi skilað honum á toppinn af þeim Íslendingum sem skipa efstu sætin á Instagram.
Crossfit-konurnar Katrín Tanja Davíðsdóttir og Sara Sigmundsdóttir eru báðar með yfir milljón fylgjendur og síðan er tónlistarkonan Björk Guðmundsdóttir einnig með yfir eina milljón.
Hér að neðan má sjá topp 5 listann eins og hann er núna:
1. Rúrik Gíslason - 1,3 milljónir
2. Hafþór Júlíus Björnsson - 1,3 milljónir
3. Katrín Tanja Davíðsdóttir - 1,2 milljónir
4. Sara Sigmundsdóttir - 1,1 milljónir
5. Björk Guðmundsdóttir - 1 milljón
Rúrik orðinn vinsælasti Íslendingurinn á Instagram
Tengdar fréttir
Rúrik kominn með milljón fylgjendur á Instagram í krafti einstakrar fegurðar
Landsliðsmaðurinn snoppufríði Rúrik Gíslason er kominn með eina milljón fylgjenda á samfélagsmiðlinum Instagram.
Kynþokki Rúriks fer ekki framhjá neinum
Rúrik Gíslason er kominn með milljón fylgjendur á Instagram.
Rúrik í sjokki yfir allri athyglinni
Rúrik Gíslason, landsliðsmaður í knattspyrnu og milljónamaður á Instragram, segist hafa fengið áfall þegar hann leit á símann sinn á meðan fylgjendurnir hrúguðust inn á Instagram-síðu hans.
„Ætlum að stækka völlinn okkar til að koma öllum aðdáendum Rúriks fyrir“
Íslenski landsliðsmaðurinn Rúrik Gíslason sló heldur betur í gegn á samfélagsmiðlinum Instagram á þessu heimsmeistaramóti og hafa fylgjendur hans margfaldast á meðan mótinu hefur stendur.
Segir að Rúrik þurfi að vera duglegri á Instagram
Manúela Ósk segir að Rúrik hafi allan pakkann og þurfi að nýta sér þessar óvæntu vinsældir.
