Leikmenn FCK reyndu að leika eftir fiskifagn Stjörnumanna

Stjarnan mætir FCK öðru sinni annað kvöld en liðin eigast við í forkeppni Evrópudeildarinnar. Leikið verður á Parken, þjóðarleikvangi Dana.

Stjarnan tapaði fyrri leiknum 2-0 en eftir að staðan var markalaust í hálfleik settu gestirnir frá Danmörku í fluggír í þeim síðari og skoruðu tvö mörk.

Heimasíða FCK ákvað að fá fjóra leikmenn; Mads Roerslev, Jonas Wind, Carlo Holse og Max Christensen til þess að leika eftir eitt frægasta fagn Stjörnumanna, sjálft fiskifagnið.

Fagnið vakti mikla athygli á sínum tíma og rúm milljón horfði á myndbandið á veraldarvefnum. Fleiri fögn Stjörnunnar vöktu einnig athygi en þetta sló í gegn.

Afrakstur FCK má sjá hér að neðan en leikur liðanna hefst klukkan 18.00 að íslenskum tíma annað kvöld. Leiknum verður lýst á Vísi.