GameTíví: Dansað til að gleyma

Þeir Óli og Tryggvi virkjuðu sína innri dansara og gripu í leikinn Just Dance 2018. Óli, sem hefur ávalt verið þekktur fyrir sínar mjúku hreyfingar, segist aldrei hafa verið í betra formi en nú og var hann borubrattur fyrir viðureign þeirra.

Félagarnir tóku fyrst lagið Cheap Thrills með Sia og Sean Paul, með misjöfnum árangri ef satt skal segja. Seinna lagið var Hips Don't Lie með Shakiru. 

Strákarnir fengu allavega góða hreyfingu úr þessu en þeir voru nokkuð heppnir að detta ekki úr mjaðmalið í seinna laginu.