Ný stjórn og framkvæmdastjóri FVH

Björn Brynjúlfur Björnsson er nýr formaður Félags viðskipta- og hagfræðinga (FVH) en ný stjórn tók við stjórnartaumunum í félaginu á dögunum.

Í stjórninni sitja tíu einstaklingar og í tilkynningu frá félaginu kemur fram að fjórir nýir hafi tekið sæti í stjórninni fyrir starfsárið 2018 til 2019.

Stjórnina skipa:

Björn Brynjúlfur Björnsson, formaður

Vala Hrönn Guðmundsdóttir, varaformaður

Ásdís Kristjánsdóttir

Hallur Jónasson

Herdís Helga Arnalds

Íris Hrannardóttir

Lilja Gylfadóttir

Magnús Þorlákur Lúðvíksson

Sölvi H Blöndal

Þórarinn Hjálmarsson

Í tilkynningu segir að Katrín Amni Friðriksdóttir hafi jafnframt tekið við starfi framkvæmdastjóra félagsins. Þar er ferill hennar einnig rakinn, en hún er sögð hafa starfað við markaðsmál og ráðgjöf undanfarin ár. Þar áður hafi hún verið markaðsstjóri Heilsuhússins og Lyfju. Katrín er með BS-próf í hagfræði frá Háskóla Íslands og meistarapróf í lúxusstjórnun frá Domus Academy í Mílanó.

Sem fyrr segir er Björn Brynjúlfur Björnsson nýr formaður félagsins og tók hann við því hlutverki af Dögg Hjaltalín. Björn er sjálfstætt starfandi og var áður hagfræðingur og aðstoðarframkvæmdastjóri Viðskiptaráðs Íslands. Þar áður starfaði hann fyrir ráðgjafarfyrirtækið McKinsey & Company. Björn er með BS-próf í verkfræði frá Háskóla Íslands og meistarapróf í hagfræði frá University of Oxford.