Valur í engum vandræðum með nýliðana

Silfurlið Vals í Olís-deild kvenna á síðustu leiktíð lenti í engum vandræðum með nýliða KA/Þór á Akureyri í fyrstu umferð Olís-deildar kvenna.

Valur vann sex marka sigur, 25-19, eftir að hafa stýrt leiknum frá fyrstu mínútu. Valsstúlkur komust meðal annars í 9-1 og 13-15.

Staðan í hálfleik var svo 18-11, gestunum frá Hlíðarenda í vil, en í síðari hálfleik náðu nýliðarnir aðeins að laga stöðuna. Lokatölur sex marka sigur Vals, eins og áður segir, 25-19.

Íris Ásta Pétursdóttir skoraði fimm mörk og þær Anna Úrsúla Guðmundsdóttir og Lovísa Thomspon gerðu fjögur mörk hvor.

Eins og svo oft áður í liði KA/Þór var það reynsluboltinn Martha Hermannsdóttir sem dró vagninn en hún skoraði sjö mörk.