Hnignun sem hófst eftir að farseðilinn á HM var tryggður Ingvi Þór Sæmundsson skrifar 13. september 2018 07:30 Síðan Ísland tryggði sér sæti á HM í Rússlandi með 2-0 sigri á Kósóvó í október 2017 hefur lítið gengið hjá liðinu. Vísir/Vilhelm Stór töp og leikmenn sem mæta ekki í viðtöl. Síðustu dagar hjá íslenska karlalandsliðinu hafa því miður minnt á gamla og öllu leiðinlegri tíma í sögu þess. Ísland tapaði 0-3 fyrir Belgíu í öðrum leik sínum í Þjóðadeildinni í fyrradag. Frammistaðan var mun skárri en á laugardaginn þegar Svisslendingar flengdu Íslendinga og unnu 6-0 sigur í St. Gallen. Fyrstu leikirnir undir stjórn nýja landsliðsþjálfarans, Eriks Hamrén, fóru ansi illa og eftir úrslitin gegn Sviss og Belgíu er Ísland svo gott sem fallið niður í B-deild Þjóðadeildarinnar. Íslenska landsliðið byrjaði þó ekki að gefa eftir í síðustu tveimur leikjum. Síðan Ísland tryggði sér sæti á HM í Rússlandi með 2-0 sigri á Kósóvó í október 2017 hefur lítið gengið hjá liðinu. Frá þessari risastóru stund í fótboltasögunni hefur Ísland leikið 13 leiki, unnið tvo, gert þrjú jafntefli og tapað átta leikjum. Einu sigrarnir komu í hálfgerðum B-landsleikjum gegn Indónesíu í janúar. Annar leikurinn var gegn úrvalsliði sem almenningur í Indónesíu valdi í kosningu á netinu svo andstæðingurinn var ekki merkilegur. Fyrir utan þessa tvo leiki í Indónesíu hefur Ísland ekki unnið leik síðan HM-sætið var í höfn. Sterkasta lið Íslands hefur ekki unnið leik í tæpt ár. Næstu þrír leikir eru gegn Frakklandi, Sviss og Belgíu svo það er hætt við því að biðin eftir næsta sigri gæti orðið enn lengri. Ísland hefur nú leikið níu leiki í röð án þess að vinna og fyrir utan fyrri leikinn gegn Indónesíu hefur íslenska liðið ekki haldið hreinu síðan það tryggði sér farseðilinn til Rússlands. Í síðustu 13 leikjum hefur íslenska liðið fengið á sig 29 mörk, þar af níu í síðustu tveimur leikjum. Varnarleikurinn er ekki nálægt því jafn sterkur og hann var. Síðustu ár, eða frá því uppgangur íslenska liðsins hófst, hefur árangurinn í vináttulandsleikjum aldrei verið góður. En menn hafa verið klárir í keppnisleikina og náð mörgum frábærum úrslitum. Nú eru hins vegar komnir fimm keppnisleikir í röð án sigurs, þótt andstæðingarnir í þeim hafi verið vissulega sterkir. Frammistaðan á HM var fín, fyrir utan seinni hálfleikinn gegn Nígeríu, en uppskeran lítil. Svo kom skellurinn í St. Gallen. Það var viðbúið að það gæti komið bakslag eftir blómaskeið síðustu ára en magalendingin hefur verið ansi harkaleg. Eftir HM hætti Heimir Hallgrímsson og við tók Hamrén. Svíinn er ekki í öfundsverðri stöðu. Liðið sem hann tók við er líklega búið að toppa og öfugt við landa sinn, Lars Lagerbäck, fékk hann enga vináttulandsleiki heldur stökk beint út í djúpu laugina, í leiki gegn þremur af átta bestu liðum heims samkvæmt styrkleikalista FIFA. Þá hafa meiðsli lykilmanna ekkert hjálpað til. Í leiknum gegn Sviss vantaði til að mynda Aron Einar Gunnarsson, Jóhann Berg Guðmundsson, Emil Hallfreðsson og Alfreð Finnbogason. Leikmenn úr ensku, ítölsku og þýsku úrvalsdeildinni sem íslenska liðið má einfaldlega ekki við því að missa út. Þá er ekki hægt að horfa framhjá því að íslenska liðið er orðið aldrað. Í byrjunarliðinu gegn Belgum voru sex leikmenn 30 ára og eldri og þeir yngstu 25 ára. Meðalaldur byrjunarliðsins var 29,8 ár. Aldur á ekki að vera fyrirstaða ef leikmenn halda áfram að standa sig en það verður áhugavert að sjá hvort Hamrén nýti þá leiki sem Ísland á eftir á árinu til að gefa yngri leikmönnum tækifæri með það fyrir augum að gera þá tilbúna fyrir undankeppni EM á næsta ári. Birtist í Fréttablaðinu Íslenski boltinn Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Lýsa miklum áhuga Arsenal á manninum sem Man. Utd þráir Enski boltinn Haaland yfirgaf völlinn á hækjum og í spelku Fótbolti Vill hópfjármögnun fyrir Antony Fótbolti Sjáðu nýjan þjálfara Íslands kynna sig Körfubolti Pekka Salminen nýr landsliðsþjálfari Körfubolti Besta-spáin 2025: Að finna sér nýjan samastað í tilverunni Íslenski boltinn Fleiri fréttir Vel vopnaðir tökumenn: „Djöfull er þetta góður klútur“ Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Lýsa miklum áhuga Arsenal á manninum sem Man. Utd þráir Snéru heim eins og rokkstjörnur og komust á súluna á Astró Búinn að skora gegn öllum en bíður enn eftir titli Haaland yfirgaf völlinn á hækjum og í spelku Napólí heldur pressunni á toppliði Inter „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Lewandowski með tvö og er á toppnum Cecilía fagnaði ótrúlegum sigri á toppliði Juventus Gleðifréttir fyrir Ísland: Glódís spilaði fyrir landsleikina mikilvægu Manchester City nokkuð þægilega í 4-liða úrslit Sætur sigur Alberts og félaga sem nálgast Meistaradeildarsæti Sjóðheitur Hilmir skoraði í fyrsta leik fyrir Viking Rashford lauk ævintýri Stefáns Teits og félaga Tók Ara þrjár mínútur að skora fyrsta markið Þættirnir um Arnar og Bjarka byrja í kvöld: „Þetta er búið að vera ævintýri“ Stefán Teit dreymir um bikarævintýri og Wembley Haaland sakaður um að meiða lukkudýrið Dagur Dan fagnaði eftir skelfileg mistök Tugþúsundir fögnuðu titlinum í Newcastle Stoppaði skyndisókn og stóð á haus Nottingham Forest í undanúrslit eftir vítaspyrnukeppni Sluppu naumlega með sigur gegn fallbaráttuliði Slæmt tap í fyrsta leik Freys Sjá meira
Stór töp og leikmenn sem mæta ekki í viðtöl. Síðustu dagar hjá íslenska karlalandsliðinu hafa því miður minnt á gamla og öllu leiðinlegri tíma í sögu þess. Ísland tapaði 0-3 fyrir Belgíu í öðrum leik sínum í Þjóðadeildinni í fyrradag. Frammistaðan var mun skárri en á laugardaginn þegar Svisslendingar flengdu Íslendinga og unnu 6-0 sigur í St. Gallen. Fyrstu leikirnir undir stjórn nýja landsliðsþjálfarans, Eriks Hamrén, fóru ansi illa og eftir úrslitin gegn Sviss og Belgíu er Ísland svo gott sem fallið niður í B-deild Þjóðadeildarinnar. Íslenska landsliðið byrjaði þó ekki að gefa eftir í síðustu tveimur leikjum. Síðan Ísland tryggði sér sæti á HM í Rússlandi með 2-0 sigri á Kósóvó í október 2017 hefur lítið gengið hjá liðinu. Frá þessari risastóru stund í fótboltasögunni hefur Ísland leikið 13 leiki, unnið tvo, gert þrjú jafntefli og tapað átta leikjum. Einu sigrarnir komu í hálfgerðum B-landsleikjum gegn Indónesíu í janúar. Annar leikurinn var gegn úrvalsliði sem almenningur í Indónesíu valdi í kosningu á netinu svo andstæðingurinn var ekki merkilegur. Fyrir utan þessa tvo leiki í Indónesíu hefur Ísland ekki unnið leik síðan HM-sætið var í höfn. Sterkasta lið Íslands hefur ekki unnið leik í tæpt ár. Næstu þrír leikir eru gegn Frakklandi, Sviss og Belgíu svo það er hætt við því að biðin eftir næsta sigri gæti orðið enn lengri. Ísland hefur nú leikið níu leiki í röð án þess að vinna og fyrir utan fyrri leikinn gegn Indónesíu hefur íslenska liðið ekki haldið hreinu síðan það tryggði sér farseðilinn til Rússlands. Í síðustu 13 leikjum hefur íslenska liðið fengið á sig 29 mörk, þar af níu í síðustu tveimur leikjum. Varnarleikurinn er ekki nálægt því jafn sterkur og hann var. Síðustu ár, eða frá því uppgangur íslenska liðsins hófst, hefur árangurinn í vináttulandsleikjum aldrei verið góður. En menn hafa verið klárir í keppnisleikina og náð mörgum frábærum úrslitum. Nú eru hins vegar komnir fimm keppnisleikir í röð án sigurs, þótt andstæðingarnir í þeim hafi verið vissulega sterkir. Frammistaðan á HM var fín, fyrir utan seinni hálfleikinn gegn Nígeríu, en uppskeran lítil. Svo kom skellurinn í St. Gallen. Það var viðbúið að það gæti komið bakslag eftir blómaskeið síðustu ára en magalendingin hefur verið ansi harkaleg. Eftir HM hætti Heimir Hallgrímsson og við tók Hamrén. Svíinn er ekki í öfundsverðri stöðu. Liðið sem hann tók við er líklega búið að toppa og öfugt við landa sinn, Lars Lagerbäck, fékk hann enga vináttulandsleiki heldur stökk beint út í djúpu laugina, í leiki gegn þremur af átta bestu liðum heims samkvæmt styrkleikalista FIFA. Þá hafa meiðsli lykilmanna ekkert hjálpað til. Í leiknum gegn Sviss vantaði til að mynda Aron Einar Gunnarsson, Jóhann Berg Guðmundsson, Emil Hallfreðsson og Alfreð Finnbogason. Leikmenn úr ensku, ítölsku og þýsku úrvalsdeildinni sem íslenska liðið má einfaldlega ekki við því að missa út. Þá er ekki hægt að horfa framhjá því að íslenska liðið er orðið aldrað. Í byrjunarliðinu gegn Belgum voru sex leikmenn 30 ára og eldri og þeir yngstu 25 ára. Meðalaldur byrjunarliðsins var 29,8 ár. Aldur á ekki að vera fyrirstaða ef leikmenn halda áfram að standa sig en það verður áhugavert að sjá hvort Hamrén nýti þá leiki sem Ísland á eftir á árinu til að gefa yngri leikmönnum tækifæri með það fyrir augum að gera þá tilbúna fyrir undankeppni EM á næsta ári.
Birtist í Fréttablaðinu Íslenski boltinn Mest lesið Snéru heim eins og rokkstjörnur og komust á súluna á Astró Fótbolti Köstuðu blysum en segja hina hafa hrækt og hellt bjór á leikmenn Handbolti Hópslagsmál í NBA og sjö hent úr húsi Körfubolti Glódís ekki með í landsleikjunum Fótbolti Lýsa miklum áhuga Arsenal á manninum sem Man. Utd þráir Enski boltinn Haaland yfirgaf völlinn á hækjum og í spelku Fótbolti Vill hópfjármögnun fyrir Antony Fótbolti Sjáðu nýjan þjálfara Íslands kynna sig Körfubolti Pekka Salminen nýr landsliðsþjálfari Körfubolti Besta-spáin 2025: Að finna sér nýjan samastað í tilverunni Íslenski boltinn Fleiri fréttir Vel vopnaðir tökumenn: „Djöfull er þetta góður klútur“ Ekki þess virði að taka áhættu með Glódísi „Maður er pínu hræddur fyrir þeirra hönd“ Glódís ekki með í landsleikjunum Besta-spáin 2025: Að finna sér nýjan samastað í tilverunni Vill hópfjármögnun fyrir Antony Lýsa miklum áhuga Arsenal á manninum sem Man. Utd þráir Snéru heim eins og rokkstjörnur og komust á súluna á Astró Búinn að skora gegn öllum en bíður enn eftir titli Haaland yfirgaf völlinn á hækjum og í spelku Napólí heldur pressunni á toppliði Inter „Gerðum gott úr þessu“ Uppgjörið: Breiðablik - KA 3-1 | Breiðablik er meistari meistaranna Lewandowski með tvö og er á toppnum Cecilía fagnaði ótrúlegum sigri á toppliði Juventus Gleðifréttir fyrir Ísland: Glódís spilaði fyrir landsleikina mikilvægu Manchester City nokkuð þægilega í 4-liða úrslit Sætur sigur Alberts og félaga sem nálgast Meistaradeildarsæti Sjóðheitur Hilmir skoraði í fyrsta leik fyrir Viking Rashford lauk ævintýri Stefáns Teits og félaga Tók Ara þrjár mínútur að skora fyrsta markið Þættirnir um Arnar og Bjarka byrja í kvöld: „Þetta er búið að vera ævintýri“ Stefán Teit dreymir um bikarævintýri og Wembley Haaland sakaður um að meiða lukkudýrið Dagur Dan fagnaði eftir skelfileg mistök Tugþúsundir fögnuðu titlinum í Newcastle Stoppaði skyndisókn og stóð á haus Nottingham Forest í undanúrslit eftir vítaspyrnukeppni Sluppu naumlega með sigur gegn fallbaráttuliði Slæmt tap í fyrsta leik Freys Sjá meira