Borgin auglýsir stofnframlög vegna íbúða

Reykjavíkurborg hefur auglýst eftir umsóknum um stofnframlög til kaupa eða byggingar á íbúðum fyrir fjölskyldur og einstaklinga sem eru undir tekju- og eignamörkum sem fram koma í lögum um almennar íbúðir.

Er framlögunum ætlað að stuðla að því að í boði verði leiguíbúðir á viðráðanlegu verði. Er þar horft til hópa eins og námsmanna, ungs fólks, aldraðra, fatlaðra og fólks sem ekki getur séð sér fyrir húsnæði af félags- eða fjárhagslegum ástæðum.

Þetta séu markmið sem falli vel að húsnæðisstefnu og húsnæðisáætlun borgarinnar.