Þú sérð veikleika þína gegn svona sterkum andstæðingum Ingvi Þór Sæmundsson skrifar 11. október 2018 08:00 Frá blaðamannafundi og opinni æfingu landsliðsins í gær. Erik Hamrén. Fréttablaðið Íslenska karlalandsliðið ræðst ekki á garðinn þar sem hann er lægstur þegar það mætir heimsmeisturum Frakka í vináttulandsleik í Guingamp í kvöld. Franska liðið er ógnarsterkt. Af þeim 23 leikmönnum sem Didier Deschamps valdi fyrir leikina gegn Íslandi og Þýskalandi voru 16 í liðinu sem varð heimsmeistari í Rússlandi í sumar. Frakkar töpuðu fyrsta leik sínum á árinu 2018 en hafa síðan leikið 13 leiki án þess að tapa; unnið tíu og gert þrjú jafntefli. Íslenska liðið hefur hins vegar ekki unnið í níu leikjum í röð. Íslenska liðið tapaði fyrstu tveimur leikjunum undir stjórn Eriks Hamrén. Fyrst steinlá Ísland fyrir Sviss, 6-0, í St. Gallen og laut svo í lægra haldi fyrir Belgíu, 0-3, á Laugardalsvellinum. Eftir þessi úrslit er íslenska liðið svo gott sem fallið úr A-deild Þjóðadeildarinnar en leikirnir tveir sem eftir eru í henni, gegn Sviss á heimavelli og Belgíu á útivelli, gætu skipt máli upp á styrkleikaröðun fyrir undankeppni EM 2020 sem hefst í mars á næsta ári.Gylfi Sigþórsson.Fréttablaðið„Núna er það eina fyrir okkur að einblína á styrkleikaflokkana fyrir EM. Það skiptir miklu máli,“ sagði Gylfi Þór Sigurðsson á blaðamannafundi í Guingamp í gær. Hafnfirðingurinn verður fyrirliði í leiknum á morgun. Sveitungi hans, Emil Hallfreðsson, verður hins vegar fjarri góðu gamni vegna meiðsla. Þá er óvíst með þátttöku þriggja leikmanna. Sverrir Ingi Ingason var veikur í gær og Hörður Björgvin Magnússon og Rúrik Gíslason eru tæpir vegna meiðsla. Ísland á eftir að leika fjóra landsleiki á þessu ári. Í kvöld mæta íslensku strákarnir Frökkum og á mánudaginn taka þeir á móti Svisslendingum. Í næsta mánuði mætir Ísland svo Belgíu í síðasta leik sínum í Þjóðadeildinni og síðasti leikur ársins er vináttulandsleikur gegn Katar. Hamrén segir að íslenska liðið sé byrjað að einbeita sér að undankeppni EM 2020 og hann ætlar sér að koma Íslandi í lokakeppni EM annað skiptið í röð. „Við náum okkur vonandi aftur á strik gegn Frökkum. Þetta er undirbúningur fyrir undankeppni EM 2020. Þú sérð veikleika þína gegn svona sterkum andstæðingum og hvað þarf að bæta,“ sagði Hamrén. Frá síðustu leikjum hefur Ísland endurheimt Jóhann Berg Guðmundsson og Alfreð Finnbogason. Sá fyrrnefndi hefur verið duglegur að leggja upp mörk fyrir Burnley í ensku úrvalsdeildinni og sá síðarnefndi hefur skorað fjögur mörk í fyrstu tveimur leikjum sínum í þýsku úrvalsdeildinni á tímabilinu. Gylfi segir mikilvægt að fá þessa lykilmenn aftur inn í landsliðið. „Það er frábært að hafa fengið þá aftur og mjög gott fyrir liðið. Þeir koma inn með sjálfstraust og reynslu,“ sagði Gylfi sem hefur sjálfur verið sjóðheitur með Everton. Um helgina skoraði hann stórglæsilegt mark í sigri á Leicester City og er alls kominn með fjögur mörk í ensku úrvalsdeildinni á tímabilinu. Hann nýtur þess að leika undir stjórn Portúgalans Marco Silva sem tók við Everton í sumar. „Það er frábært að vera með þjálfara sem treystir þér til að spila þá stöðu sem þér finnst þú vera bestur í. Á heildina litið eru allir sáttir með hann,“ sagði Gylfi. Birtist í Fréttablaðinu Íslenski boltinn Mest lesið Kári reynir að hjálpa HK upp um deild Íslenski boltinn Liverpool vann Athletic tvívegis á Anfield Enski boltinn „Þeir standa fyrir eitthvað annað“ Fótbolti Áhorfendum vísað út af Anfield Enski boltinn „Báðir endar vallarins mættu vera betri“ Íslenski boltinn „Skemmtilegra þegar vel gengur“ Íslenski boltinn Tíu af bestu kylfingum landsins lögðu Minningarsjóð Bryndísar Klöru lið Golf Uppgjörið: Valur - Breiðablik 0-3 | Létt verk fyrir meistarana Íslenski boltinn Risaskjár og stuðsvæði á Íslandsmótinu í golfi Golf Mark Kolbeins svo gott sem gulltryggði sigurinn Fótbolti Fleiri fréttir „Þeir standa fyrir eitthvað annað“ Kári reynir að hjálpa HK upp um deild Liverpool vann Athletic tvívegis á Anfield „Báðir endar vallarins mættu vera betri“ „Skemmtilegra þegar vel gengur“ Uppgjörið: Valur - Breiðablik 0-3 | Létt verk fyrir meistarana Mark Kolbeins svo gott sem gulltryggði sigurinn Tíu af bestu kylfingum landsins lögðu Minningarsjóð Bryndísar Klöru lið „Við erum Newcastle United“ Everton að ganga frá kaupum á miðjumanni Chelsea Áhorfendum vísað út af Anfield Orri Steinn fær portúgalska samkeppni Risaskjár og stuðsvæði á Íslandsmótinu í golfi Breiðablik og Víkingur vita hverjum þau mæta næst Rashford með sitt fyrsta mark fyrir Barcelona Sjáðu umdeilda vítadóminn og sigurmarkið sem var dæmt af Sjáðu tvennu Sigurðar og snögg svör Víkinga Barist um undirskrift Nunez Tómas Bent seldur til Skotlands „Mikið í gangi sem enginn veit af“ Ronaldo vill gera Greenwood aftur að liðsfélaga Kærastinn kemur til varnar: „Allir glíma við sín vandamál“ „Augljóslega þurfum við fleiri leikmenn“ Gott silfur gulli betra en hvað nú? Fékk annað gult fyrir að keyra inn í Mikael og lét dómarann heyra það Dagskráin í dag: Bikar- og Íslandsmeistararnir mætast Hato mættur á Brúnna Þvælu að starf Ole Gunnar sé í hættu Partey á leið til Villareal þrátt fyrir nauðgunar ákærur Palhinha mættur til Lundúna á ný eftir stutt stopp hjá Bayern Sjá meira
Íslenska karlalandsliðið ræðst ekki á garðinn þar sem hann er lægstur þegar það mætir heimsmeisturum Frakka í vináttulandsleik í Guingamp í kvöld. Franska liðið er ógnarsterkt. Af þeim 23 leikmönnum sem Didier Deschamps valdi fyrir leikina gegn Íslandi og Þýskalandi voru 16 í liðinu sem varð heimsmeistari í Rússlandi í sumar. Frakkar töpuðu fyrsta leik sínum á árinu 2018 en hafa síðan leikið 13 leiki án þess að tapa; unnið tíu og gert þrjú jafntefli. Íslenska liðið hefur hins vegar ekki unnið í níu leikjum í röð. Íslenska liðið tapaði fyrstu tveimur leikjunum undir stjórn Eriks Hamrén. Fyrst steinlá Ísland fyrir Sviss, 6-0, í St. Gallen og laut svo í lægra haldi fyrir Belgíu, 0-3, á Laugardalsvellinum. Eftir þessi úrslit er íslenska liðið svo gott sem fallið úr A-deild Þjóðadeildarinnar en leikirnir tveir sem eftir eru í henni, gegn Sviss á heimavelli og Belgíu á útivelli, gætu skipt máli upp á styrkleikaröðun fyrir undankeppni EM 2020 sem hefst í mars á næsta ári.Gylfi Sigþórsson.Fréttablaðið„Núna er það eina fyrir okkur að einblína á styrkleikaflokkana fyrir EM. Það skiptir miklu máli,“ sagði Gylfi Þór Sigurðsson á blaðamannafundi í Guingamp í gær. Hafnfirðingurinn verður fyrirliði í leiknum á morgun. Sveitungi hans, Emil Hallfreðsson, verður hins vegar fjarri góðu gamni vegna meiðsla. Þá er óvíst með þátttöku þriggja leikmanna. Sverrir Ingi Ingason var veikur í gær og Hörður Björgvin Magnússon og Rúrik Gíslason eru tæpir vegna meiðsla. Ísland á eftir að leika fjóra landsleiki á þessu ári. Í kvöld mæta íslensku strákarnir Frökkum og á mánudaginn taka þeir á móti Svisslendingum. Í næsta mánuði mætir Ísland svo Belgíu í síðasta leik sínum í Þjóðadeildinni og síðasti leikur ársins er vináttulandsleikur gegn Katar. Hamrén segir að íslenska liðið sé byrjað að einbeita sér að undankeppni EM 2020 og hann ætlar sér að koma Íslandi í lokakeppni EM annað skiptið í röð. „Við náum okkur vonandi aftur á strik gegn Frökkum. Þetta er undirbúningur fyrir undankeppni EM 2020. Þú sérð veikleika þína gegn svona sterkum andstæðingum og hvað þarf að bæta,“ sagði Hamrén. Frá síðustu leikjum hefur Ísland endurheimt Jóhann Berg Guðmundsson og Alfreð Finnbogason. Sá fyrrnefndi hefur verið duglegur að leggja upp mörk fyrir Burnley í ensku úrvalsdeildinni og sá síðarnefndi hefur skorað fjögur mörk í fyrstu tveimur leikjum sínum í þýsku úrvalsdeildinni á tímabilinu. Gylfi segir mikilvægt að fá þessa lykilmenn aftur inn í landsliðið. „Það er frábært að hafa fengið þá aftur og mjög gott fyrir liðið. Þeir koma inn með sjálfstraust og reynslu,“ sagði Gylfi sem hefur sjálfur verið sjóðheitur með Everton. Um helgina skoraði hann stórglæsilegt mark í sigri á Leicester City og er alls kominn með fjögur mörk í ensku úrvalsdeildinni á tímabilinu. Hann nýtur þess að leika undir stjórn Portúgalans Marco Silva sem tók við Everton í sumar. „Það er frábært að vera með þjálfara sem treystir þér til að spila þá stöðu sem þér finnst þú vera bestur í. Á heildina litið eru allir sáttir með hann,“ sagði Gylfi.
Birtist í Fréttablaðinu Íslenski boltinn Mest lesið Kári reynir að hjálpa HK upp um deild Íslenski boltinn Liverpool vann Athletic tvívegis á Anfield Enski boltinn „Þeir standa fyrir eitthvað annað“ Fótbolti Áhorfendum vísað út af Anfield Enski boltinn „Báðir endar vallarins mættu vera betri“ Íslenski boltinn „Skemmtilegra þegar vel gengur“ Íslenski boltinn Tíu af bestu kylfingum landsins lögðu Minningarsjóð Bryndísar Klöru lið Golf Uppgjörið: Valur - Breiðablik 0-3 | Létt verk fyrir meistarana Íslenski boltinn Risaskjár og stuðsvæði á Íslandsmótinu í golfi Golf Mark Kolbeins svo gott sem gulltryggði sigurinn Fótbolti Fleiri fréttir „Þeir standa fyrir eitthvað annað“ Kári reynir að hjálpa HK upp um deild Liverpool vann Athletic tvívegis á Anfield „Báðir endar vallarins mættu vera betri“ „Skemmtilegra þegar vel gengur“ Uppgjörið: Valur - Breiðablik 0-3 | Létt verk fyrir meistarana Mark Kolbeins svo gott sem gulltryggði sigurinn Tíu af bestu kylfingum landsins lögðu Minningarsjóð Bryndísar Klöru lið „Við erum Newcastle United“ Everton að ganga frá kaupum á miðjumanni Chelsea Áhorfendum vísað út af Anfield Orri Steinn fær portúgalska samkeppni Risaskjár og stuðsvæði á Íslandsmótinu í golfi Breiðablik og Víkingur vita hverjum þau mæta næst Rashford með sitt fyrsta mark fyrir Barcelona Sjáðu umdeilda vítadóminn og sigurmarkið sem var dæmt af Sjáðu tvennu Sigurðar og snögg svör Víkinga Barist um undirskrift Nunez Tómas Bent seldur til Skotlands „Mikið í gangi sem enginn veit af“ Ronaldo vill gera Greenwood aftur að liðsfélaga Kærastinn kemur til varnar: „Allir glíma við sín vandamál“ „Augljóslega þurfum við fleiri leikmenn“ Gott silfur gulli betra en hvað nú? Fékk annað gult fyrir að keyra inn í Mikael og lét dómarann heyra það Dagskráin í dag: Bikar- og Íslandsmeistararnir mætast Hato mættur á Brúnna Þvælu að starf Ole Gunnar sé í hættu Partey á leið til Villareal þrátt fyrir nauðgunar ákærur Palhinha mættur til Lundúna á ný eftir stutt stopp hjá Bayern Sjá meira