Leik ÍBV og KA frestað fram á þriðjudag

Leikur Íslandsmeistara ÍBV og KA sem átti að fara fram á morgun í Olís-deild karla hefur verið frestað fram á þriðjudag.



Leiknum er frestað vegna veðurs og ófærðar til og frá Eyjum í dag, en ólíklegt er að Herjólfur sigli á milli lands og Eyja seinni partinn í dag.



Liðin sitja hlið við hlið í deildinni, í 6. og 7. sæti og eru jöfn að stigum með sex stig, líkt og þrjú önnur lið.



ÍBV og KA komust að þeirri niðurstöðu í dag, ásamt HSÍ að skynsamlegast væri að fresta leiknum.



Leikurinn fer því fram á þriðjudag, þann 20. nóvember og hefst kl. 18:30.