Sarri slær met yfir bestu byrjun stjóra í úrvalsdeildinni

Maurizio Sarri er að byrja feiknarvel í stjórastólnum hjá Chelsea en eftir jafnteflið gegn Everton í gær bætti hann met yfir bestu byrjun í sögu stjóra í ensku úrvalsdeildinni.



Chelsea gerði markalaust jafntefli gegn Everton á heimavelli í gær og var þetta 12 leikurinn í röð án taps hjá Chelsea í ensku úrvalsdeildinni.



Sarri tók við Chelsea í sumar af landa sínum Antonio Conte.



Hann tapaði fyrsta keppnisleik sínum, í góðgerðaskildinum gegn Manchester City en síðan þá hefur leiðin aðeins verið upp á við.



Með jafnteflinu í gær setti Sarri met yfir bestu byrjun knattspyrnustjóra í sögu ensku úrvalsdeildarinnar. Fyrra metið átti Frank Clark, fyrrum stjóri Nottingham Forest.