Mæta Gylfa og félögum með regnbogareimar á sunnudaginn

Leikmenn Liverpool verða með óvenju litríka skó á Anfield á sunnudaginn þegar nágrannar þeirra í Everton koma í heimsókn í ensku úrvalsdeildinni.

Gylfi Þór Sigurðsson og félagar hans í Everton hafa verið að spila vel að undanförnu og það eru margir spenntir að sjá hvað þeir gera á móti hinu öfluga liði Liverpool. 

Það verða mörg augu fótboltaáhugafólks á þessum leik og Liverpool ætlar að nýta tækifærið og styðja við þarft málefni.

Liverpool will be wearing Rainbow laces during the Merseyside Derby to support Stone Wall's campaign against homophobia pic.twitter.com/cZAIta8Bm2

— Empire of the Kop (@empireofthekop) November 30, 2018

Liverpool mun nefnilega styðja við bakið á LGBT-hreyfingunni og Stonewall's Rainbow Laces herferðinnni með því að spila með regnbogareimar í leiknum.

Leikurinn á móti Everton verður opinber Rainbow Laces leikur Liverpool á leiktíðinni.

Áður en leikurinn verður flautaður á munu ungir skólarkrakkar ganga inn á völlinn með regnbogafána og eftir þeim mun Jürgen Klopp, knattspyrnustjóri Liverpool, leiða sitt lið þar sem allir leikmennirnir verða í takkaskóm með regnbogareimar.

Regmbogalitirnir verða mjög áberandi á Anfield þennan dag eins og sem dæmi á tölvuskiltum vallarins.