Ó­dýr og öðru­vísi bleik jól

Stílistinn og fjölmiðlakonan Þórunn Högna er alltaf með puttann á púlsinum í nýjustu tískustraumum heimilisins og hún hefur meðal annars verið að undanförnu að vinna fyrir Hús og Híbýli.

Í fyrra sýndi hún okkur í Aðventuþáttum Stöðvar 2 sínar klassísku og fallegu jólaskreytingar. En núna er hún að fara alveg nýja og spennandi og öðruvísi leið í skreytingum og þar er bleiki liturinn með glimmer og gulli í aðalhlutverki.

Þórunn er alveg einstaklega frumleg þegar kemur að einföldum og ódýrum lausnum sem á sama tíma gefa svo skemmtilega stemningu, eins og til dæmis glimmer sem hún setur á þvottaklemmurnar og setur svo á servíetturnar.

Jólatréð hjá Þórunni er mjög ólíkt því sem fólk á að venjast og ansi óvenjulegt með þessu bleika útliti en Vala Matt hitti Þórunni í þættinum Íslandi í dag í gærkvöldi og má sjá innslagið hér að neðan.