Haukar tóku stigin tvö í Mýrinni

Haukar unnu þriggja marka sigur á Stjörnunni, 28-25, í Olís-deild kvenna í kvöld er liðin mættust í Mýrinni í Garðabæ.

Mikið var skorað í fyrri hálfleik en að honum loknum leiddu þær rauðklæddu með sex mörkum, 15-9. Sigurinn var svo aldrei í hættu og góður sigur Hauka í Garðabæ.

Berta Rut Harðardóttir var markahæst í liði Hauka en hún gerði sjö mörk og Maria Ines Pereira bætti við sex mörkum.

Haukarnir eru eftir sigurinn komnar aftur upp í þriðja sæti deildarinnar en Stjarnan er í sjötta sætinu.