Varla vatnsleysi í laxveiðiánum næsta sumar

Í ársbyrjun voru veiðimenn frekar áhyggjufullir vegna þess að það var auð jörð víða um land og sáralítill ef nokkur snjór í fjöllum.

Það sem veiðimenn höfðu auðvitað áhyggjur af var að það stefndi í auman vatnsbúskap í laxveiðiánum en sá ótti virðist nú vera horfinn úr hugum manna.  Nú snjóar vel um allt land og samkvæmt spám er ekkert lát á snjókomunni næstu daga ásamt því að það á að frysta vel en það skiptir miklu máli til að binda snjóinn vel niður.

Það voru einhverjir sem höfðu orð á því að bóka minna af veiðileyfum á komandi sumri vegna þess að það leit út fyrir vatnsleysi en það er ljóst að þeir sem mestar áhyggjur höfðu hafa tekið gleði sína á ný.  Ef nágranni þinn er syngjandi glaður að skafa bílinn og moka snjó gætu verið ansi miklar líkur á að hann sé mikið á skíðum eða veiðimaður.  Báðir þessir hópar brosa sínu breiðasta í dag.