Bachelet lýsir áhyggjum af gerðum Ísraels

Herkví Ísraela um Gasasvæðið og ákvörðun þeirra um að hundsa tilmæli rannsakenda mannréttindaráðs Sameinuðu þjóðanna er áhyggjuefni. Þetta sagði Michelle Bachelet, mannréttindastjóri SÞ, þegar hún ávarpaði ráðið í gær.

Rannsakendur greindu í síðustu viku frá því að Ísraelar hefðu mögulega gerst sekir um stríðsglæpi í aðgerðum sínum gegn palestínskum mótmælendum á landamærunum að Gasasvæðinu. Skýrsla rannsakenda snerist um andlát 189 Palestínumanna.

Að þeirri niðurstöðu var komist að trúlega hefðu ísraelskar leyniskyttur skotið á börn, sjúkraliða og blaðamenn jafnvel þrátt fyrir að skytturnar vissu að fólkið tilheyrði þessum hópum. Bachelet varaði einnig við vaxandi ójöfnuði í heiminum, hatursorðræðu og útlendingaandúð. Þá lýsti hún yfir áhyggjum sínum af því að víða mæti of beldi þeim borgurum sem mótmæli ójöfnuði.

„Í Súdan, undanfarna mánuði, höfum við horft upp á of beldi gegn fólki sem mótmælir erfiðum efnahagslegum aðstæðum,“ sagði mannréttindastjórinn í ávarpi sínu