Hrokafullur boltastrákur æsti Klopp upp | Myndband

Eitt af fyndnari atriðum ársins í ensku úrvalsdeildinni átti sér stað eftir leik Everton og Liverpool í gær.

Það var skiljanlega ekkert allt of létt í Jürgen Klopp, stjóra Liverpool, eftir leik enda náði liðið aðeins markalausu jafntefli í leiknum og missti um leið toppsæti deildarinnar til Man. City.

Það var því ekki til þess að kæta Klopp á leið sinni af velli að sjá ungan, hrokafullan boltastrák klappa fyrir sér á leið af velli. Enda gekk Klopp til hans og tjáði honum að þetta væri ekki falleg framkoma.

Jurgen Klopp confronted an Everton ball boy who appeared to clap sarcastically at the Liverpool manager at full time.

More: https://t.co/XJpka0w61Dpic.twitter.com/XggRXwgrLs

— Sky Sports Premier League (@SkySportsPL) March 3, 2019

Strákurinn gaf sig samt ekki og var alls óhræddur við þýska stjórann. Hann hélt bara áfram að klappa í andlitið á honum og gaf honum svo þumalinn upp.

Þá gat nú Klopp ekki annað en byrjað að hlæja og brosti nánast alla leið inn í klefa af stráknum.

Sjá má þetta kostulega atriði hér að ofan.