The Grind: Endalausar spurningar um erótíska dansinn

Í þáttunum The Grind með Gunnari Nelson er fylgst ítarlega með Gunnari á bak við tjöldin. Pétur Marinó Jónsson eltir hann eins og skugginn með myndavélina að vopni.

Í nýjasta þættinum er fylgst með Gunnari sinna fjölmiðlavinna og svo þegar hann fór á opnu æfinguna í York Hall.

Svo er Gunnari fylgt aðeins í æfingasalinn á Hilton-hótelinu en hann glímdi líka aðeins við Matthew Miller. Dagarnir eru oft langir í bardagavikunni.

Lýsendur kvöldsins fá allir fund með bardagaköppunum til þess að afla sér góðra upplýsinga fyrir stóra kvöldið. Svo er að sjálfsögðu mikið verið að spyrja Gunnar út í árshátíðarmyndband Mjölnis sem hefur heldur betur slegið í gegn.

Gunnar Nelson berst við Bretann Leon Edwards í London á morgun. Bardaginn er í beinni á Stöð 2 Sport. Vísir er í London og mun fylgjast ítarlega með öllu í aðdraganda bardagans.