Löggutvíeykið Brett Ridgeman, leikinn af Mel Gibson og Anthony Lurasetti, sem leikinn er af Vince Vaughn, eltist alla daga við óþjóðalýð á götum amerískrar stórborgar. Í æsilegri aðgerð gegn eiturlyfjaglæponum gengur Ridgeman of langt og traðkar á höfði eins þeirra grunuðu. Fantagangurinn næst á myndband og yfirmaður þeirra félaga, sem leikinn er af Don Johnson, rekur þá báða í sex mánaða launalaust leyfi til að róa fjölmiðla.
Þar með eru Ridgeman og Lurasetti í vondum málum. Þá vantar fé og ákveða að nýta sér tengsl inn í undirheimana til að redda sér þar til þeim verður hleypt aftur til starfa. Sú ákvörðun reynist afdrifarík.
Myndinni leikstýrir S. Craig Zahler og er hann einnig handritshöfundur myndarinnar. Zahler er þekktastur fyrir myndina Bone Tomahawk, sem kom út árið 2015 en sú mynd hlaut tilnefningu Independent Spirit Award fyrir besta handritið og besta leikara í aðalhlutverki.
„Ég hef mikinn áhuga á flóknum persónuleikum og söguþræði sem tekur óvænta stefnu. Söguhetjur mínar lenda iðulega í hættulegum aðstæðum og standa frammi fyrir áskorunum sem þær leysa gjarnan úr á óvæntan hátt. Dragged across concrete er þar engin undantekning. Ridgeman og Lurasetti eru ekki siðlausir skíthælar en svo sannarlega ekki saklaus göfugmenni heldur. Þeir eru mannlegir. Þeir gera góða hluti en líka margt vafasamt.“
„Það er auðvitað að klisja að segja að „bíó hafi verið betra í gamla daga,“ og sem betur fer gerir Zahler allt sem í hans valdi stendur til að afsanna þá klisju. Myndin er gróf og gegnsýrð af nikótíni og drápum, í anda áttunda áratugarins."
Chris Nashawaty – Entertainment Weekly
„Mel Gibson og Vince Vaughn eru frábærir í þessu brútal en magnaða glæpadrama. Enn einn sigur hjá handritshöfundinum og leikstjóranum S. Craig Zahler."
Pete Hammond Deadline Hollywood Daily
Kaupa miða
Þessi kynning er unnin í samstarfi við Senu.
