Emery: Aubameyang og Lacazette fullkomnir fyrir Arsenal

Pierre-Emerick Aubameyang og Alexandre Lacazette eru meðal bestu framherja sem Unai Emery hefur unnið með og passa fullkomlega inn í skipulagið hjá Arsenal.

Emery var í viðtali hjá Sky Sports þar sem hann hældi framherjaparinu sínu mikið.

Aubameyang og Lacazette eru samtals með 37 mörk á tímabilinu fyrir Arsenal.

„Við þurfum mikið af góðum sendingum, góðum fyrirgjöfum, til þess að gefa þeim bestu tækifærin til þess að skora. Við erum stoltir að þeir séu báðir hjá okkur,“ sagði Emery.

„Stundum þarf að spila þeim báðum frammi, stundum er betra að spila með ein þeirra til hliðar og stundum er best að hafa annan þeirra á bekknum.“

Aubameyang og Lacazette munu líklega báðir koma við sögu í leik Arsenal og Everton í dag, en sá leikur hefst klukkan 13:00.