Bein útsending: Sigga Kling spáir fyrir lesendum Vísis

Stefán Árni Pálsson skrifar 5. apríl 2019 12:30

Sigga Kling spáir fyrir lesendum Vísis fyrsta föstudag í hverjum mánuði.

Stjörnuspár Sigríðar Klingenberg spámiðils hafa notið gríðarlega vinsælda undanfarin ár. Mánaðarlega spáir hún fyrir lesendum Vísis, í formi texta og myndbands, en spárnar fyrir apríl birtust í morgun.

Sigga leggur leggja áherslu á að fólk geri það besta úr því sem það les, nýta sér orkuna, klappa sér á bakið og elska lífið. Spárnar einkennast af gleði, krafti, orku og jákvæðni en það eru skilaboðin sem hún vill senda til samfélagsins.

Sigga Kling verður í beinni útsendingu á Facebook Live í dag og býðst lesendum að bera fram spurningar um allt milli himins og jarðar.

Sigga gerir sitt besta til að svara öllum spurningum og reyna þannig skyggnast inn í líf okkar lesenda. Hún getur einnig sagt ýmislegt um fortíð lesenda og framtíð þeirra ef þeir biðja hana um að rýna í fæðingardag sinn. Spákonan biðlar til lesenda Vísis að koma með einlægar spurningar sem koma frá hjartanu. Ekki sé nóg að senda aðeins fæðingardaginn.

Klippa: Sigga Kling spáir fyrir lesendum í beinni

Útsendingin verður aðgengileg hér á Vísi en hún fer einnig fram í gegnum Facebook-síðu Vísis og hægt er að horfa á hana þar og skrifa spurningar til Siggu.

Sigga Kling spáir - apríl 2019 Loksins erum við komin í loftið! Spurðu Siggu Kling um það sem þér liggur á hjarta í ummælum við útsendinguna. Spáin fyrir apríl birtist í dag og það er af nægu að taka.

Posted by Vísir.is on Friday, April 5, 2019

Stjörnuspá Siggu Kling

Tengdar fréttir

Aprílspá Siggu Kling – Steingeitin: Haltu þér á beinu brautinni í sjálfstraustinu

Elsku Steingeitin mín, þú ert ýmist allt eða ekkert, enginn millivegur, gefur þig að fullu og öllu að því sem þú þráir og hlustar þar af leiðandi ekki alveg nógu vel á annarra manna ráðleggingar og tillögur, Steingeitin gerir það sem Steingeitin vill.

5. apríl 2019 09:00

Aprílspá Siggu Kling - Vatnsberinn: Mátt taka áhættu á þessu tímabili

Elsku Vatnsberinn minn, þú býrð yfir svo brennandi þrá til þess að skapa lífið og þorir að takast á við meiri áskoranir meira en meðalmaðurinn gerir.

5. apríl 2019 09:00

Aprílspá Siggu Kling - Vogin: Ástin er þér eins og súrefni

Elsku Vogin mín, þú ert búin að taka svo mikið af ákvörðunum og ert að standa við þær flestar og þú ert búin að gera eins vel og þú getur og svo sannarlega getur maður ekki meira en það.

5. apríl 2019 09:00

Aprílspá Siggu Kling – Tvíburarnir: Tryggð skiptir þig ofsalega miklu máli

Elsku Tvíburinn minn, þú ert að vakna til vorsins og sumarið mun svo sannarlega blessa þig, þú ert með svo dásamlega sterka nærveru, getur átt það til að snöggreiðast en ert jafnfljótur að fyrirgefa, svona eins og haföldurnar síbreytilegar og þú þarft svo mikla hreyfingu til þess að nýta lífskraftinn til fullnustu.

5. apríl 2019 09:00

Aprílspá Siggu Kling – Krabbinn: Þú þarfnast öryggis í ástarmálum

Elsku Krabbinn minn, þú ert svo skemmtilega ímyndunarveikur að það á eftir að lita líf þitt og setja á þig svo skemmtilegan glans. Annaðhvort ertu svo orðheppinn og snjall í orðaleikjum eða frábær penni og allt þar á milli.

5. apríl 2019 09:00

Aprílspá Siggu Kling – Hrúturinn: Ert að fara að gera eitthvað einstakt

Elsku Hrúturinn minn, þú ert að anda að þér nýrri orku og nýju upphafi. Stress og streita sýna manni oft að breytingar séu yfirvofandi og þú átt eftir að vera svo tilbúinn að mæta því sem á vegi þínum verður með opnum örmum.

5. apríl 2019 09:00

Aprílspá Siggu Kling – Fiskarnir: Hefur svo mikla daðurhæfileika

Elsku Fiskurinn minn, það eru svo margir að fylgjast með þér því þú ert eins og nafli alheimsins, gætir sett heimsmet í hverju sem er. Taktu þér samt tíma til að anda, því súrefni er það mikilvægasta sem þú átt.

5. apríl 2019 09:00

Aprílspá Siggu Kling – Bogmaðurinn: Vertu viss í ástinni og starfsframa

Elsku Bogmaðurinn minn, þú ert svo mikið að ná áttum, þú finnur hvað þú getur og þú ert á leið út úr öllum ógöngum það er eins og allir vilji rétta þér hjálparhönd, fólk sem þú treystir ekki brosir til þín og þú sérð lífið í meiri ljóma.

5. apríl 2019 09:00

Aprílspá Siggu Kling – Sporðdrekinn: Potar of oft í þig með hala Sporðdrekans

Elsku Sporðdrekinn minn, þú þarft að hleypa ótemjunni í þér betur út, leyfa þér að vera svolítið allskonar. Hjarta þitt hefur of oft komið þér í klípu, því þó þú hafir áberandi styrk þá fylgir honum þessi mikla og logandi viðkvæmni.

5. apríl 2019 09:00

Aprílspá Siggu Kling – Meyjan: Ekki leika þér að eldinum

Elsku Meyjan mín, þú blaktir eins og lauf í vindi og þér finnst hafa verið dálítið óveður undanfarið, þú ert búin að vera að reyna þitt besta að reyna að leysa lífsins þrautir og fá góða útkomu úr öllu.

5. apríl 2019 09:00

Aprílspá Siggu Kling – Nautið: Ert að efla þig líkamlega

Elsku Nautið mitt, eitt uppáhalds lagið mitt er Á skíðum skemmti mér með Helenu Eyjólfsdóttur.

5. apríl 2019 09:00

Aprílspá Siggu Kling – Ljónið: Þú býrð yfir svo miklu meira flæði og afli

Elsku Ljónið mitt, það er alltaf svo mikið að frétta, það væri allt svo ofboðslega leiðigjarnt ef þú ættir ekki sess og sæti alls staðar í kringum mann. Þér er mikið annt um útlit þitt og líkami þinn endurspeglar þitt andlega ástand, svo elskaðu hann af öllu hjarta.

5. apríl 2019 09:00