Joe Rogan agndofa yfir víkingaklappi Íslendinga

Fjölmiðlamaðurinn Joe Rogan heldur úti einu vinsælasta hlaðvarpi heims en það gengur undir nafninu Joe Rogan Experience en á dögunum var rætt um allskyns hefðir Evrópubúa á stórviðburðum.

Íslendingar báru á góma og þá sérstaklega víkingaklappið vinsæla. Joe Rogan átti hreinlega ekki til orð yfir víkingaklappinu og talaði um að víð Íslendingar hefðum líklega gert svipað fyrir bardaga á sínum tíma, sem víkingar.

Rogan þekkir augljóslega ekki söguna vel en umræðan samt sem áður skemmtileg eins og sjá má hér að neðan en gestur hans í þættinum var rapparinn B-Real sem er helst þekktur fyrir það að vera í sveitinni Cypress Hill.