Spretthlauparinn Elija Godwin er einn heppnasti maður ársins en hann lifði á ótrúlegan hátt af svakalegt slys á frjálsíþróttavelli Georgia-háskólans.
Godwin er einn efnilegasti hlaupari Bandaríkjanna og búist við miklu af honum í framtíðinni. Hann var æfa spretti aftur á bak er hann fær spjót í bakið. Spjótið fór beint í gegnum hann og stóð út úr bringunni.
Hann var fluttur beint á spítala og eftir aðgerð kom í ljós að hann slapp ótrúlega vel. Hann var með samfallið lunga en önnur líffæri sluppu.
Godwin er nú á góðum batavegi og er búist við því að hann nái fullum bata. Ekki er loku fyrir það skotið að hann geti tekið þátt í spretthlaupum næsta vetur. Algjörlega með ólíkindum.
Fékk spjót í gegnum sig en lifði af
Henry Birgir Gunnarsson skrifar

Mest lesið




Baðst afsökunar á tæklingunni í Garðabænum
Íslenski boltinn


Liverpool tilkynnir um risasamning við Adidas
Enski boltinn



