Einar Hrafn Stefánsson, trommugimp Hatara, birti myndband á samfélagsmiðlum þar sem starfsmenn eða öryggisverðir í Eurovision-höllinni í Tel Aviv reyna að taka Palestínufána af Höturum að því er virðist eftir uppákomu þeirra við stigagjöf atriðisins.
„Ég er mjög hrædd núna, mig langar að fara upp á hótel,“ heyrist kona segja í myndbandinu. Líklegt má telja að að konan sé Ástrós eða Sólbjört en þær eru dansarar og bakraddasöngvarar Hatara.
