Óvenjuleg saga af venjulegum manni Steingerður Sonja Þórisdóttir skrifar 18. maí 2019 13:00 Óli Hjörtur segir sögu Glenn alveg ótrúlega og hlakkar mikið til að festa hana á filmu. fréttablaðið/Ernir Óli Hjörtur stendur að söfnun fyrir gerð heimildarmyndar um listamanninn Glenn Sandoval. Verk og ótrúleg saga Glenn urðu Óla að innblæstri. Hægt að leggja Óla lið á síðunni Karolina Fund. Óli Hjörtur Ólason ætti að vera einhverjum kunnur enda var hann af sumum kallaður skemmtanakóngur Reykjavíkurborgar á sínum tíma. Hann hefur komið að opnun tveggja vinsælla bara, starfaði um árabil í blaðamennsku og var með útvarpsþátt ásamt plötusnúðnum Natalie, eða Dj Yamaho eins og hún er einnig kölluð. „Það er smá skemmtileg tilviljun á tímasetningu viðtalsins. Kemur út á Eurovision-deginum sjálfum og ég einmitt framleiddi ásamt fleira góðu fólkið myndbandið hennar Heru Bjarkar á sínum tíma,“ segir Óli hlæjandi. Hann lagði einnig stund á nám í Kvikmyndaskólanum, bæði við leikstjórn og framleiðslu. Nú hyggst hann gera heimildarmynd um listamanninn Glenn Sandoval, en myndin hefur fengið starfsheitið „A very extraordinary story of an average man“. „Snemma á þessu ári kynntist ég Glenn í gegnum samskiptaforritið Instagram. Ég varð fyrir miklum innblæstri af verkum hans og því sem hann var að skapa. Þannig að ég ákvað að senda honum skilaboð. Í kjölfarið byrjuðum við að tala saman og við urðum góðir vinir,“ segir Óli um fyrstu kynni sín af Glenn. Óla fannst alveg magnað hve fljótt þeir mynduðu sterk tengsl. Þeir hafi deilt ótrúlegustu hlutum með hvor öðrum, án þess að hafa nokkurn tímann hist. „Hægt og rólega fór hann að treysta mér fyrir ýmsu og ég honum. Ég áttaði mig á að það er ótrúlega merkileg og áhugaverð saga á bak við þennan mann og það hefur vafalaust mótað hann mikið og gert að þeim listamanni sem hann er í dag. Hann þráir ekkert heitar en að geta lifað á listinni og slá í gegn. Mér finnst þessi óbilandi trú líka heillandi, að gefast ekki upp og að trúa á eigin sköpun.“ Sandoval býr í Los Angeles en er af mexíkóskum ættum. Hann langar mikið að flytja annað. Hann er 33 ára gamall og býr enn í foreldrahúsum í heimaborginni, enda hefur þrjóskan við að lifa og hrærast í listinni aftrað honum í að sjá fyrir sjálfum sér. „Eða ég hélt það væri málið. En síðan áttaði ég á mig hvað baksaga hans hefur haft mikil áhrif. Það er eitt að vera bara þrjóskur og neita að horfast í augu við að maður sé ekki þessi stórfenglegi listamaður sem maður hélt að maður væri. Allir þurfa einhvern tímann að fullorðnast. Hann upplýsti mig þó þegar á leið að hrikalegir atburðir úr hans fortíð hefðu haft svona sterk mótandi á hrif á hann,“ segir Óli. Óli hefur starfað við framleiðslu, leikstjórn og fleiri hliðar kvikmyndagerðar. Hann hefur lengi leitað að viðfangsefni fyrir heimildarmynd og honum leið eins og það væri engin tilviljun að hann hefði kynnst Glenn. „Mig var búið að dreyma lengi um að finna hið fullkomna umfjöllunarefni. Saga hans er alveg ótrúleg og höfðar til svo ótrúlega margra. Það er eitthvað svo mannlegt og tært við hann. Mér leið eins og það væri ætlun örlaganna að við kynntumst á þennan furðulega máta, að mér væri ætlað að segja hans sögu.“ Óli segir myndina líka munu snerta á kynþáttafordómum og hvernig það sé að vera mexíkóskur sonur innflytjenda í Bandaríkjum nútímans. „Ég er að vinna myndina nánast einn. Sé um upptökur, framleiðslu og leikstjórn. Það er mikil áskorun þótt ég hafi starfað áður við kvikmyndagerð. Stefnan er tekin á að fara til Los Angeles í byrjun september og vera í tökum í nokkrar vikur. Undirbúningsvinnan hefur staðið yfir í nokkra mánuði, sem hefur bæði verið skemmtilegt og krefjandi.“ Óli Hjörtur stendur nú fyrir hópfjármögnun vegna myndarinnar. Þeir sem vilja leggja Óla Hirti lið er bent á að finna verkefnið á karolinafund.is. „Þar hefur fólk möguleika á að eignast upprunaleg verk eftir Sandoval með því að styrkja gerð myndarinnar. Þar er líka hægt að fræðast nánar um hann, mig og verkefnið í heild,“ segir Óli Hjörtur að lokum. Birtist í Fréttablaðinu Menning Mest lesið Stjörnulífið: „Virkilega slæm vika fyrir all my haters“ Lífið Inga Lind gengin út Lífið Kenningar á kreik eftir ásakanir um kynferðisbrot Al-Fayed Lífið Lítil tengsl við okkar innri kynveru koma niður á kynlífinu Lífið Persónulegt áfall varð kveikjan að laginu Lífið Tekst á við lífið sem einhverf mamma með langveikt barn Lífið Halda styrktartónleika fyrir fjölskyldu Kolfinnu Eldeyjar Lífið Kántrígoðsögnin Kris Kristoffersson látin Lífið „Það er galið að sjá fimm manna fjölskyldu sitja saman en öll í símanum“ Áskorun Útilokar ekki að bjóða sig aftur fram Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Óli Hjörtur stendur að söfnun fyrir gerð heimildarmyndar um listamanninn Glenn Sandoval. Verk og ótrúleg saga Glenn urðu Óla að innblæstri. Hægt að leggja Óla lið á síðunni Karolina Fund. Óli Hjörtur Ólason ætti að vera einhverjum kunnur enda var hann af sumum kallaður skemmtanakóngur Reykjavíkurborgar á sínum tíma. Hann hefur komið að opnun tveggja vinsælla bara, starfaði um árabil í blaðamennsku og var með útvarpsþátt ásamt plötusnúðnum Natalie, eða Dj Yamaho eins og hún er einnig kölluð. „Það er smá skemmtileg tilviljun á tímasetningu viðtalsins. Kemur út á Eurovision-deginum sjálfum og ég einmitt framleiddi ásamt fleira góðu fólkið myndbandið hennar Heru Bjarkar á sínum tíma,“ segir Óli hlæjandi. Hann lagði einnig stund á nám í Kvikmyndaskólanum, bæði við leikstjórn og framleiðslu. Nú hyggst hann gera heimildarmynd um listamanninn Glenn Sandoval, en myndin hefur fengið starfsheitið „A very extraordinary story of an average man“. „Snemma á þessu ári kynntist ég Glenn í gegnum samskiptaforritið Instagram. Ég varð fyrir miklum innblæstri af verkum hans og því sem hann var að skapa. Þannig að ég ákvað að senda honum skilaboð. Í kjölfarið byrjuðum við að tala saman og við urðum góðir vinir,“ segir Óli um fyrstu kynni sín af Glenn. Óla fannst alveg magnað hve fljótt þeir mynduðu sterk tengsl. Þeir hafi deilt ótrúlegustu hlutum með hvor öðrum, án þess að hafa nokkurn tímann hist. „Hægt og rólega fór hann að treysta mér fyrir ýmsu og ég honum. Ég áttaði mig á að það er ótrúlega merkileg og áhugaverð saga á bak við þennan mann og það hefur vafalaust mótað hann mikið og gert að þeim listamanni sem hann er í dag. Hann þráir ekkert heitar en að geta lifað á listinni og slá í gegn. Mér finnst þessi óbilandi trú líka heillandi, að gefast ekki upp og að trúa á eigin sköpun.“ Sandoval býr í Los Angeles en er af mexíkóskum ættum. Hann langar mikið að flytja annað. Hann er 33 ára gamall og býr enn í foreldrahúsum í heimaborginni, enda hefur þrjóskan við að lifa og hrærast í listinni aftrað honum í að sjá fyrir sjálfum sér. „Eða ég hélt það væri málið. En síðan áttaði ég á mig hvað baksaga hans hefur haft mikil áhrif. Það er eitt að vera bara þrjóskur og neita að horfast í augu við að maður sé ekki þessi stórfenglegi listamaður sem maður hélt að maður væri. Allir þurfa einhvern tímann að fullorðnast. Hann upplýsti mig þó þegar á leið að hrikalegir atburðir úr hans fortíð hefðu haft svona sterk mótandi á hrif á hann,“ segir Óli. Óli hefur starfað við framleiðslu, leikstjórn og fleiri hliðar kvikmyndagerðar. Hann hefur lengi leitað að viðfangsefni fyrir heimildarmynd og honum leið eins og það væri engin tilviljun að hann hefði kynnst Glenn. „Mig var búið að dreyma lengi um að finna hið fullkomna umfjöllunarefni. Saga hans er alveg ótrúleg og höfðar til svo ótrúlega margra. Það er eitthvað svo mannlegt og tært við hann. Mér leið eins og það væri ætlun örlaganna að við kynntumst á þennan furðulega máta, að mér væri ætlað að segja hans sögu.“ Óli segir myndina líka munu snerta á kynþáttafordómum og hvernig það sé að vera mexíkóskur sonur innflytjenda í Bandaríkjum nútímans. „Ég er að vinna myndina nánast einn. Sé um upptökur, framleiðslu og leikstjórn. Það er mikil áskorun þótt ég hafi starfað áður við kvikmyndagerð. Stefnan er tekin á að fara til Los Angeles í byrjun september og vera í tökum í nokkrar vikur. Undirbúningsvinnan hefur staðið yfir í nokkra mánuði, sem hefur bæði verið skemmtilegt og krefjandi.“ Óli Hjörtur stendur nú fyrir hópfjármögnun vegna myndarinnar. Þeir sem vilja leggja Óla Hirti lið er bent á að finna verkefnið á karolinafund.is. „Þar hefur fólk möguleika á að eignast upprunaleg verk eftir Sandoval með því að styrkja gerð myndarinnar. Þar er líka hægt að fræðast nánar um hann, mig og verkefnið í heild,“ segir Óli Hjörtur að lokum.
Birtist í Fréttablaðinu Menning Mest lesið Stjörnulífið: „Virkilega slæm vika fyrir all my haters“ Lífið Inga Lind gengin út Lífið Kenningar á kreik eftir ásakanir um kynferðisbrot Al-Fayed Lífið Lítil tengsl við okkar innri kynveru koma niður á kynlífinu Lífið Persónulegt áfall varð kveikjan að laginu Lífið Tekst á við lífið sem einhverf mamma með langveikt barn Lífið Halda styrktartónleika fyrir fjölskyldu Kolfinnu Eldeyjar Lífið Kántrígoðsögnin Kris Kristoffersson látin Lífið „Það er galið að sjá fimm manna fjölskyldu sitja saman en öll í símanum“ Áskorun Útilokar ekki að bjóða sig aftur fram Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira