Friðrik Ómar „veislustýra aldarinnar“ í brúðkaupi Ernu Hrannar og Jörundar

Erna Hrönn Ólafsdóttir, söngkona og þáttastjórnandi á útvarpsstöðinni K100, giftist unnusta sínum og barnsföður, Jörundi Kristinssyni viðskiptafræðingi, í dag. Þá fagnar Erna einnig 38 ára afmæli sínu í dag svo tilefnið til að gleðjast er ærið.

Erna Hrönn og Jörundur hafa verið par um nokkuð langt skeið. Þá eiga þau samtals sex börn, fimm stelpur og einn strák.

Það var mikið stuð í brúðkaupsveislunni ef marka má myndir sem gestir hafa birt á Instagram í dag og fram eftir kvöldi. Þannig virðist Friðrik Ómar Hjörleifsson, söngvari og góður vinur Ernu hrannar, hafa vakið mikla lukku sem hin skrautlega veislustýra Hafdís Alda. Myndir úr veislunni má sjá hér að neðan.