Stuðningur á þingi og í stjórnmálasamfélaginu við frumvarp stjórnvalda í Hong Kong um að heimila framsal til meginlands Kína minnkar og ráðgjafar Carrie Lam, leiðtoga sjálfstjórnarhéraðsins, ráðleggja henni að fresta atkvæðagreiðslu. South China Morning Post og fleiri miðlar greindu frá í gær.
Hundruð þúsunda íbúa hafa flykkst út á götur til þess að mótmæla frumvarpinu. Það er sagt til þess fallið að þagga niður í gagnrýnisröddum. Aðgerðir lögreglu gegn mótmælendum hafa einnig verið gagnrýndar.
Bernard Chan, einn æðstu embættismanna Hong Kong, sagði í gær að eins og staðan er nú væri ómögulegt að drífa frumvarpið í gegn. „Ég held að það sé ómögulegt í ljósi þessarar miklu andstöðu. Það væri afar erfitt og við ættum að minnsta kosti að forðast að auka á spennuna.“
Stjórnvöld í Hong Kong fresti framsalsfrumvarpi
Tengdar fréttir
Mótmælendur ýmist skelkaðir eða særðir vegna framgöngu lögreglu
Þúsundir gengu fylktu liði að löggjafarþinginu í Hong Kong í gær til að láta í ljós andstöðu sína við umdeilt lagafrumvarp sem heimilar framsal brotamanna frá sjálfstjórnarhéraðinu Hong Kong til meginlands Kína.
Brugðust við fjöldamótmælum með táragasi og háþrýstidælum
Til átaka kom á milli óeirðarlögreglu og mótmælenda í Hong Kong.
Risamótmæli í Hong Kong vegna nýs lagafrumvarps
Telja að Kínverjar geti nýtt frumvarpið til að herja á pólitíska andstæðinga sína.
Umdeildu lagafrumvarpi mótmælt í Hong Kong
Þúsundir mótmælenda gengu fylktu liði að löggjafarþinginu í Hong Kong til að mótmæla umdeildu lagafrumvarpi sem heimilar framsal brotamanna frá sjálfstjórnarhéraðinu Hong Kong til meginlands Kína.
