Þjóðverjar með fullt hús stiga á HM

Þýskaland er með fullt hús stiga á toppi B-riðils heimsmeistaramóts kvenna í fótbolta eftir 1-0 sigur á Spáni í Valenciennes í dag.

Þjóðverjar hafa unnið báða leiki sína í riðlinum 1-0. Þeir eru ósigraðir í 18 leikjum í röð í riðlakeppni heimsmeistaramótsins.

18 - Germany are unbeaten in their last 18 Women's World Cup Group Stage games, the outright longest such run in the history of the competition (W14 D4). Juggernaut. #FIFAWWCpic.twitter.com/mJKJTdBByG

— OptaJoe (@OptaJoe) June 12, 2019

Sara Däbritz, leikmaður Bayern München, skoraði eina mark leiksins þremur mínútum fyrir hálfleik.

Spánverjar voru meira með boltann í leiknum en átti aðeins tvö skot á markið.

Spænska liðið er með þrjú stig í 2. sæti riðilsins og þurfa að vinna Kínverja á mánudaginn til að komast áfram í 16-liða úrslit. Sama dag mætir Þýskaland Suður-Afríku.