Gylfi annar varafyrirliði Everton

Gylfi Þór Sigurðsson verður annar varafyrirliði Everton í vetur.

Seamus Coleman er nýr fyrirliði Everton. Hann tekur við fyrirliðabandinu af Phil Jagielka sem yfirgaf félagið í sumar.

Leighton Baines er fyrsti varafyrirliði Everton, Gylfi annar og Lucas Digne þriðji.

Gylfi var nokkrum sinnum fyrirliði hjá Everton á síðasta tímabili. Hann hefur verið hjá Everton síðan 2017 og leikið 74 leiki fyrir liðið og skorað 20 mörk.

Everton sækir Crystal Palace heim í 1. umferð ensku úrvalsdeildarinnar í dag. Leikurinn hefst klukkan 14:00.