Liverpool-liðið hans Jurgen Klopp í sögubækurnar eftir sigurinn á Turf Moor

Liverpool er með fullt hús stiga eftir fyrstu fjórar umferðirnar í ensku úrvalsdeildinni en Evrópumeistararnir unnu 3-0 sigur á Burnley á Turf Moor í dag.

Liverpool komst yfir eftir hálftíma leik. Trent Alexander-Arnold reyndi fyrirgjöf sem fór af fótum Chris Wood og yfir Nick Pope í markinu.

Á 37. mínútu tvöfölduðu Liverpool svo forystuna með marki frá Sadio Mane en hann fékk góða sendingu frá Roberto Firmino. Hálfleikstölur 2-0.

Þriðja markið kom níu mínútum fyrir leikslok. Roberto Firmino hóf sóknina og endaði hana þegar hann kom sendingu Mo Salah í netið. Lokatölur 3-0.

Þetta er í fyrsta skipti í 127 ára sögu Liverpool sem Liverpool vinnur þrettán leiki í röð. Góð byrjun Liverpool sem er á toppnum með tólf stig en Man. City er í öðru sætinu með tíu stig.

Liverpool have won 13 consecutive league games for the first time in the club’s 127-year history.

Jürgen Norbert Klopp rewrites the record books. pic.twitter.com/Dgc6nxfbxR

— Coral (@Coral) August 31, 2019

Jóhann Berg Guðmundsson var á meiðslalistanum hjá Burnley sem er með fjögur stig eftir fyrstu fjóra leikina.