Reykur vegna gróður­eldanna gerir í­búum S­yd­n­ey lífið leitt

Íbúar í áströlsku stórborginni Sydney vöknuðu í morgun upp við að mikill reykur lá eins og mara yfir borginni. Er hann rakinn til þeirra miklu gróðurelda sem geisa í suðausturhluta landsins.

Loftgæðin í borginni eru mjög slæm og hafa flokkast sem „hættuleg“ á sumum svæðum. Þannig hafa astmasjúklingar og aðrir með öndunarsjúkdóma verið hvattir til að halda sig inni fyrir og loka gluggum.

Loftgæðin eru verst í vesturhluta borgarinnar. Um fimmtíu gróðureldar geisa enn í fylkinu New South Wales og þar af hefur enn ekki tekist að ná stjórn á um helmingi þeirra. Í fylkinu Queensland geisa enn um sjötíu eldar.

Þá veðrið verið mjög óhagstætt og haldið áfram að torvelda slökkvistarf. Hefur verið heitt í veðri, þurrt og vindasamt.

Um 1.400 slökkviliðsmenn vinna nú að því að slökkva eldana, en alls hafa sex manns týnt lífi og um fimm hundruð heimili eyðilagst í eldunum.