„Heppinn að boltinn fór ekki í and­litið á mér því ég hefði skotist aftur til Jamaíku“

Manchester City vann nokkuð þægilegan sigur á Burnley í gær er liðin mættust í 15. umferð ensku úrvalsdeildarinnar. Meistararnir höfðu betur 4-1.

Þriðja mark City skoraði miðjumaðurinn Rodri en skotið var einkar fast frá vítateigslínunni. Raheem Sterling rétt náði að koma sér undan þrumuskotinu og í netið fór boltinn.

Enski landsliðsmaðurinn sló á létta strengi á Twitter-síðu sinni eftir leikinn og sagðist vera heppinn að hafa náð að koma sér frá boltanum því annars hefði hann skotist alla leið aftur til Jamaíku en þar er Sterling uppalinn.

Lucky that Rodri shot didn’t hit my face cuz I would have gone straight back to Jamaica with that pic.twitter.com/6pM4Em5B26

— Raheem Sterling (@sterling7) December 3, 2019

Hin þrjú mörk City skoruðu Gabriel Jesus og varamaðurinn Riyad Mahrez en Brasilíumaðurinn Jesus átti tvö fyrstu mörk leiksins.

Sterling var skipt af velli í síðari hálfleik og virtist ekki svo sáttur með þá skiptingu. City minnkaði forskot Liverpool niður í átta stig með sigrinum.

'Lucky that didn't hit my face... I would have gone straight back to Jamaica'

Raheem Sterling shares joke with his supporters after Man City star ducked out of way to avoid Rodri's rockethttps://t.co/kvYfmPrq2A

— MailOnline Sport (@MailSport) December 4, 2019