Lada Sport fær andlitslyftingu

Uppfærsla á Lödu Sport (Niva) verður að teljast til stórtíðinda. Reyndar er ekki um stórar breytingar að ræða en þegar kemur að Lödu Sport eru allar breytingar fréttnæmar.

Nýja útgáfan verður með tveimur glasahöldurum og tveimur 12 volta innstungum. Auk þess sem hauspúðarnir og mælaborðið hafa verið endurhönnuð. Hanskahólfið og útblásturstúður miðstöðvarinnar hafa einnig stækkað.

Að öllu gamni slepptu, þá er Lada Sport líkleg til að veita hinum geysivinsæla Suzuki Jimny samkeppni. Fáum bílum hefur tekist eins vel og þessum tveim að vera fjórhjóladrifnir, einfaldir og skemmtilegir allt í senn.

Lada Sport verður áfram með 82 hestafla 1,7 lítra vél og fimm gíra beinskiptingu.